കണ്ണൂർ: ഇരിക്കൂര് ഡയനാമോസ് സ്പോര്ട്സ് ക്ലബിെൻറ ആഭിമുഖ്യത്തില് ഇരിക്കൂര് ഡയനാമോസ് ഗ്രൗണ്ടിൽ ജനുവരി ഒന്നുമുതല് അഖിലേന്ത്യ ഫുട്ബാള് ടൂര്ണമെൻറ് സംഘടിപ്പിക്കുന്നു. മുസാഫിര് മദീന എഫ്.സി തിരുവനന്തപുരം, സൂപ്പര് സ്റ്റുഡിയോ മലപ്പുറം, ജിംഖാന തൃശൂര്, എഫ്.സി ഗോവ, ആലുക്കാസ് തൃശൂര് തുടങ്ങിയ സെവൻസ് ഫുട്ബാൾ അസോസിയേഷൻ അംഗീകാരമുള്ള 24 ടീമുകള് പങ്കെടുക്കുമെന്ന് സംഘാടകര് അറിയിച്ചു. 2018 ഫെബ്രുവരി ഒന്നുവരെ ടൂര്ണമെൻറ് നീണ്ടുനില്ക്കും. വിജയികള്ക്ക് മൂന്നു ലക്ഷം രൂപ പ്രൈസ്മണിയും സ്വർണക്കപ്പുമാണ് സമ്മാനം. സെഞ്ച്വറി ഫാഷന്സിറ്റിയാണ് ടൂര്ണമെൻറിെൻറ പ്രധാന സ്പോണ്സര്. വാര്ത്തസമ്മേളനത്തില് സി.സി. ഹനീഫ, ആര്.പി. നാസര്, എന്.വി. ഹാഷിം, സി.സി. ഫൈസല്, കെ. നിസ്താര് എന്നിവര് സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.