കൊച്ചി: സൈബർ ആക്രമണത്തെത്തുടർന്ന് നടി പാർവതി നൽകിയ പരാതിയിൽ ഒരാൾകൂടി അറസ്റ്റിൽ. കൊല്ലം ചാത്തന്നൂര് സ്വദേശി റോജനെയാണ് പിടികൂടിയത്. ഇൻസ്റ്റഗ്രാം വഴി നടിയെ ബലാത്സംഗം ചെയ്യുമെന്ന് ഭീഷണി മുഴക്കിയ കുറ്റത്തിനാണ് അറസ്റ്റ് ചെയ്തത്. പാർവതി നൽകിയ പരാതിക്കൊപ്പം ഇതിെൻറ സ്ക്രീൻ ഷോട്ടുകളും ഉണ്ടായിരുന്നു. ഇയാളുടെ അക്കൗണ്ട് പൊലീസ് നിരീക്ഷിച്ചുവരുകയായിരുന്നു. കൊല്ലം സ്വദേശിയാണെന്ന് മനസ്സിലായതോടെ കൊല്ലം പൊലീസിനോട് വിവരം തേടി. തുടർന്ന് എറണാകുളം ടൗൺ സൗത്ത് പൊലീസ് കൊല്ലെത്ത വീട്ടിലെത്തി പിടികൂടുകയായിരുന്നു. കൊല്ലത്തെ സ്വകാര്യകോളജിലെ ബിരുദവിദ്യാർഥിയാണ്. നേരേത്ത തൃശൂർ വടക്കാഞ്ചേരി കാട്ടിലങ്ങാടി ചിറ്റിലപ്പള്ളി സി.എൽ. പ്രിേൻറാ (23) അറസ്റ്റിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.