തലശ്ശേരി: കോടിയേരി മലബാര് കാന്സര് സെൻററിൽനിന്ന് പിരിച്ചുവിട്ട തൊഴിലാളികള് നടത്തുന്ന സമരം തുടരുന്നു. സമരം 13 ദിവസം പിന്നിട്ടു. ബുധനാഴ്ച ജില്ല ലേബര് ഓഫിസര് വിളിച്ച അനുരഞ്ജന ചര്ച്ചയില് മാനേജ്മെൻറ് പ്രതിനിധികള് പെങ്കടുക്കാത്തതിനാല് ചര്ച്ച നടന്നില്ല. സമരം തുടരാനാണ് തൊഴിലാളികളുടെ തീരുമാനം. കണ്ണൂർ ജില്ല പ്രൈവറ്റ് ഹോസ്പിറ്റൽ ആൻഡ് മെഡിക്കൽ ഷോപ് എംേപ്ലായീസ് യൂനിയൻ (സി.െഎ.ടി.യു) നേതൃത്വത്തിലാണ് സമരം. സ്ത്രീകളടക്കമുള്ള പിരിച്ചുവിട്ട 17 ജീവനക്കാരാണ് സമരരംഗത്തുള്ളത്. നിയമപരമായി ലഭിക്കേണ്ട ആനുകൂല്യങ്ങളൊന്നും നൽകാതെയാണ് തങ്ങളെ പിരിച്ചുവിട്ടതെന്നാണ് ജീവനക്കാരുടെ വാദം. ബുധനാഴ്ചത്തെ സമരം മോേട്ടാർ തൊഴിലാളി യൂനിയൻ ജില്ല സെക്രട്ടറി കെ. ജയരാജൻ ഉദ്ഘാടനം ചെയ്തു. സി.പി.എം പായം ലോക്കൽ സെക്രട്ടറി അഡ്വ.എം. വിനോദ് കുമാർ, യൂനിയൻ ജില്ല വൈസ് പ്രസിഡൻറ് ഡെല്ലിൻ മാത്യു എന്നിവർ സംസാരിച്ചു. കെ. ബിന്ദു സ്വാഗതവും എം.കെ. സുജില നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.