കേളകം: രാജമുടി ഉണ്ണിമിശിഹ ദേവാലയത്തിൽ ഉണ്ണീശോയുടെ തിരുനാൾ മഹോത്സവത്തിന് കൊടിയേറി. ഇടവക വികാരി ജോസഫ് കുളത്തറ കൊടിയേറ്റി. തുടർന്ന് നടന്ന വി.കുർബാന വചന സന്ദേശത്തിന് ഫാ. സെബാസ്റ്റ്യൻ പാലക്കുഴി നേതൃത്വം നൽകി. വിവിധ ദിവസങ്ങളിലെ തിരുകർമങ്ങൾക്ക് ഫാ.തോമസ് കുഴിയാലിൽ, ഫാ. തോമസ് കീഴാരത്തിൽ, ഫാ.ഫിലിപ്പ് കാരയ്ക്കാട്ട്, ഡോ.തോമസ് നീണ്ടൂർ, ഫാ.അബ്രാഹം ഒറ്റപ്ലാക്കൽ, ഫാ.ജോസഫ് കണ്ണംകുളത്ത്, ഫാ.തോമസ് അട്ടേങ്ങാട്ടിൽ, ഫാ.ജോസഫ് ഇല്ലിക്കൽ, ഫാ.സെബാസ്റ്റ്യൻ ഇട്ടിയപ്പാറ, ഫാ.ജെസ്റ്റിൻ എന്നിവർ നേതൃത്വം നൽകും. പ്രധാന തിരുനാൾ ദിനങ്ങളായ ജനുവരി മൂന്നിന് 3.45ന് ആഘോഷമായ തിരുനാൾ കുർബാനക്ക് ഫാ.ജോർജ് കാരിക്കാത്തടത്തിൽ നേതൃത്വം നൽകും. ഫാ.ജോസഫ് പൊട്ടനാനിയിൽ വചന സന്ദേശം നൽകും. തുടർന്ന് തിരുനാൾ പ്രദക്ഷിണം, ഉണ്ണിയപ്പ നേർച്ച. ജനുവരി നാലിന് ആഘോഷമായ തിരുനാൾ കുർബാന, വചന സന്ദേശം. ഫാ. മാത്യു ഇടമുളയിൽ മുഖ്യ കാർമികനായിരിക്കും. തുടർന്ന് സ്നേഹവിരുന്ന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.