ഇരിട്ടി: അയ്യൻകുന്ന് പഞ്ചായത്തിലെ വാണിയപ്പാറ തട്ട് റോഡിെൻറ നവീകരണ പ്രവൃത്തി തുടങ്ങി. ജില്ല പഞ്ചായത്ത് പദ്ധതി വിഹിതത്തിൽ ഉൾപ്പെടുത്തി 50 ലക്ഷം രൂപ ചെലവിലാണ് ഒരു കിലോമീറ്റർ റോഡ് നവീകരിക്കുന്നത്. റോഡിൽ മൂന്ന് കലുങ്കുകളും പാർശ്വഭിത്തിയും ഉൾപ്പെടെയുള്ള പ്രവൃത്തി പൂർത്തിയാക്കും. റോഡിെൻറ പാർശ്വഭിത്തി ഇടിയുന്നത് മൂലം റോഡ് അപകടാവസ്ഥയിലായിരുന്നു. ജില്ല പഞ്ചായത്തംഗം തോമസ് വർഗീസ് നവീകരണ പ്രവൃത്തി ഉദ്ഘാടനം ചെയ്തു. ചടങ്ങിൽ അയ്യംകുന്ന് പഞ്ചായത്ത് പ്രസിഡൻറ് ഷീജ സെബാസ്റ്റ്യൻ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗങ്ങളായ ഡെയ്സി മാണി, ബെന്നി ഫിലിപ്പ്, ഗ്രാമ പഞ്ചായത്തംഗം എം.കെ. വിനോദ്, ജെയിംസ് സി. മാത്യു, സീമ സനോജ്, ഫാ. സേവ്യർ പുന്നപ്പുര തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.