ഉരുവച്ചാൽ: ഓവുചാലുകൾക്കുള്ളിലൂടെ വൈദ്യുതി കേബിൾ വലിച്ചു. കോൺക്രീറ്റ് ഓവുചാൽ മണ്ണിട്ട് മൂടി. ശിവപുരം ടൗണിലാണ് സംഭവം. കുഴിയെടുത്ത് കേബിൾ വലിക്കുന്നതിന് പകരം മഴക്കാലത്ത് മഴവെള്ളം ഒഴുകിപ്പോകാൻ വേണ്ടി നിർമിച്ച ഓവുചാലുകളിലൂടെയാണ് വൈദ്യുതി ലൈൻ വലിച്ചത്. ഓവുചാലിൽ കേബിൾ വലിച്ചതിന് ശേഷം പകുതി ഭാഗത്ത് മണ്ണിട്ട് മൂടിയിരിക്കുകയാണ്. പഴശ്ശി സബ് സ്റ്റേഷനിൽ നിന്ന് വെള്ളിലോട്ടേക്കാണ് വൈദ്യുതി കേബിൾ കടന്നുപോകുന്നത്. നാട്ടുകാരുടെ പ്രതിഷേധം ശക്തമായി. ഒാവുചാലിലൂടെ കേബിൾ വലിച്ചത് മഴക്കാലത്ത് അപകടത്തിന് സാധ്യയാകുമെന്ന് നാട്ടുകാർ പറയുന്നു. കൂടാതെ ഓവുചാലിലൂടെ കേബിൾ വലിച്ച് പകുതി ഭാഗം മണ്ണിട്ട് മൂടിയത് മഴവെള്ളം ഒഴുകിപ്പോവാനും തടസ്സമാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.