ചെറുതോണി: ഉരുൾപൊട്ടലിനുശേഷം ഇടിഞ്ഞുവീഴാറായ പാറക്കൂട്ടം പ്രദേശത്തെ ഏഴോളം കുടുംബങ്ങൾക്ക് ഭീഷണിയാകുന്നു. കഞ്ഞിക്കുഴി പഞ്ചായത്തിലെ 14ാം വാർഡിൽപെട്ട മഴുവടിയിൽ അമ്പലകവലയിലാണ് ഭീതിയോടെ കുടുംബങ്ങൾ കഴിയുന്നത്. ഉരുൾപൊട്ടലിൽ വീട് നഷ്ടപ്പെട്ട മൂഴിക്കൽ ചന്ദ്രൻകുഞ്ഞിെൻറ വീടിെൻറ പുറകുവശത്തുള്ള പാറക്കൂട്ടങ്ങളാണ് അപകട ഭീഷണി ഉയർത്തുന്നത്. ഉരുൾപൊട്ടലിൽ ചന്ദ്രൻകുഞ്ഞിെൻറയും കൊല്ലംപറമ്പിൽ ബാബുവിെൻറയും സ്ഥലത്തെ മണ്ണ് പൂർണമായും ഒലിച്ചുപോയിരുന്നു. ഇതോടെയാണ് പാറക്കൂട്ടങ്ങൾ തെളിഞ്ഞ് ഏതുനിമിഷവും വീഴാറായ അവസ്ഥയിലുള്ളത്. തുലാവർഷം തുടങ്ങാനിരിക്കെ എന്തുചെയ്യണം എന്നറിയാതെ ഭീതിയോടെ കഴിയുകയാണ് ഈ കുടുംബങ്ങൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.