രാജാക്കാട്: രാജകുമാരി, ചിന്നക്കനാല് പഞ്ചായത്തുകളെ ബന്ധിപ്പിക്കുന്ന അരമനപ്പാറ-കൊങ്ങിണിസിറ്റി-മുട്ടുകാട് റോഡ് മണ്ണിടിച്ചില് ഭീഷണിയില്. പാത നിര്മിച്ചപ്പോള് കയറ്റം കുറക്കാന് വന്തോതില് മണ്ണ് നീക്കിയിരുന്നു. ഇതുമൂലം പല ഭാഗങ്ങളിലും വന് തിട്ടകള് രൂപപ്പെട്ടു. മണ്ണ് നീക്കിയെങ്കിലും ഈ ഭാഗങ്ങളിലെ പാറകള് പൊട്ടിച്ചുമാറ്റിയില്ല. വനം വകുപ്പിന്െറ അനുമതി ലഭിക്കാത്തതിനാല് മരങ്ങളും നീക്കിയില്ല. ചുവട്ടിലെ മണ്ണ് നഷ്ടപ്പെട്ടതോടെ പാറയും മരങ്ങളും എപ്പോള് വേണമെങ്കിലും റോഡിലേക്ക് ഇളകി വീഴാവുന്ന അവസ്ഥയിലാണ്. കടുംതൂക്കായ പ്രദേശമായതിനാലും മണ്ണിന് ഉറപ്പ് കുറവായതിനാലും പ്രദേശത്ത് മിക്ക റോഡുകളിലും മണ്ണിടിച്ചിലും ഗതാഗതതടസ്സവും പതിവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.