നെടുങ്കണ്ടം: കഞ്ചാവ് ഉപയോഗിച്ചു കൊണ്ടിരിക്കെ വിദ്യാര്ഥികള് പൊലീസ് പിടിയില്. കഞ്ചാവ് എത്തിച്ചു കൊടുക്കുന്ന പൂര്വവിദ്യാര്ഥിയടക്കം അഞ്ചു പേരെയാണ് നെടുങ്കണ്ടം പൊലീസ് അറസ്റ്റ് ചെയ്തു. കൊമ്പനാട് ഇടപ്പുളവാന് വീട്ടില് ബേസില് (20), തീക്കോയി പൂവത്താലില് അഖില് (22), മൂവാറ്റുപുഴ പാലക്കാമറ്റം വിന്സ് (20), കാലാമ്പൂര് കുന്നക്കുഴിതടത്തില് അഭിജിത് (19), കുഞ്ചിത്തണ്ണി പുത്തന്വീട്ടില് അനന്ദു (19) എന്നിവരെയാണ് ബുധനാഴ്ച പിടികൂടിയത്. പൂര്വവിദ്യാര്ഥിയായ അനന്ദു തമിഴ്നാട്ടില്നിന്ന് കഞ്ചാവ് വാങ്ങിക്കൊണ്ടുവന്ന് നെടുങ്കണ്ടം പോളിടെക്നിക് കോളജിലെ വിദ്യാര്ഥികള്ക്ക് ചെറിയ പൊതികളായി വില്പന നടത്തുകയായിരുന്നു. കോളജ് സ്ഥിതിചെയ്യുന്ന മഞ്ഞപ്പെട്ടിയില് വീടുകള് വാടകക്കെടുത്ത് താമസിക്കുന്ന വിദ്യാര്ഥികള് സ്ഥിരമായി കഞ്ചാവ് ഉപയോഗിക്കുന്നവരാണെന്ന് പൊലീസ് പറഞ്ഞു. പോളി വിദ്യാര്ഥികളില് ഏറെ പേരും കഞ്ചാവ് ഉപയോഗിക്കുന്നതായി പൊലീസിന് ലഭിച്ച രഹസ്യവിവരത്തെ തുടര്ന്ന് നടത്തിയ അന്വേഷണത്തിലാണ് കഞ്ചാവ് വലിച്ചുകൊണ്ടിരിക്കുന്ന സംഘത്തെ പിടികൂടിയത്. നെടുങ്കണ്ടം എ.എസ്.ഐ പി.കെ. ആസാദിന്െറ നേതൃത്വത്തിലായിരുന്നു അറസ്റ്റ്. വിദ്യാര്ഥികള് വാടകക്ക് താമസിക്കുന്ന വീടുകളിലും ലോഡ്ജുകളിലും അടുത്ത ദിവസങ്ങളില് റെയ്ഡ് ശക്തമാക്കാനും കര്ശന നടപടി സ്വീകരിക്കുമെന്നും സി.ഐ എന്. ബാബുക്കുട്ടന് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.