തൊടുപുഴ: നൂറുശതമാനം പോളിങ് ലക്ഷ്യമിട്ട് ജില്ലയില് തെരഞ്ഞെടുപ്പ് ബോധവത്കരണം ഊര്ജിതമാകുന്നു. വിവിധ ഭാഗങ്ങളില് ഫ്ളാഷ്മോബ്, വോട്ടര് പട്ടികയില് പേരുചേര്ക്കല്, വോട്ടുവണ്ടി പ്രചാരണം തുടങ്ങിയവ പുരോഗമിക്കുകയാണ്. കൂടുതല് ജനങ്ങളിലേക്ക് വോട്ടെടുപ്പ് സന്ദേശം എത്തിക്കാന് ജില്ലയിലെ ഏറ്റവും പ്രായംകുറഞ്ഞ അഞ്ച് യുവ വോട്ടര്മാരെ പ്രചാരണ പരിപാടിയുടെ ബ്രാന്ഡ് അംബാസിഡറായി തെരഞ്ഞെടുത്തു. വോട്ടുവിവരം വിരല്ത്തുമ്പില് ലഭിക്കാന് http://www.deoidukki.com എന്ന വെബ്സൈറ്റും ആരംഭിച്ചു. വോട്ടര്മാര്, വോട്ടിങ് സാമഗ്രികളുടെ വിതരണ-സംഭരണ കേന്ദ്രങ്ങള്, പോളിങ് ബൂത്തുകള്, ബോധവത്കരണ പരിപാടികള് തുടങ്ങിയവ സംബന്ധിച്ച വിശദ വിവരങ്ങള് ഈ വെബ്സൈറ്റില് ലഭിക്കും. വോട്ട് ചെയ്യേണ്ടതിന്െറ പ്രാധാന്യം വിശദീകരിക്കുന്ന തീം സോങ്ങിനും രൂപംകൊടുത്തിട്ടുണ്ട്. പോളിങ് ശതമാനത്തില് സംസ്ഥാനത്ത് 12ാം സ്ഥാനത്തുള്ള ജില്ലയെ മുന്നിരയില് എത്തിക്കാനുള്ള പ്രവര്ത്തനങ്ങളാണ് നടത്തുന്നതെന്ന് തീം സോങ് പ്രകാശനം ചെയ്തും യുവ ബ്രാന്ഡ് അംബാസിഡര്മാരെ അവതരിപ്പിച്ചുും ജില്ലാ തെരഞ്ഞെടുപ്പ് ഓഫിസറും കലക്ടറുമായ ഡോ. എ. കൗശിഗന് പറഞ്ഞു. അര്ഹതയുള്ള ഒരാളും വോട്ടേഴ്സ് ലിസ്റ്റില് പേരില്ലാതെയും പേരുള്ള ഒരാളും വോട്ടുചെയ്യാതെയും പോകരുതെന്ന് കലക്ടര് പറഞ്ഞു. ചടങ്ങില് ഇലക്ഷന് ഡെപ്യൂട്ടി കലക്ടര് പി.ജി. രാധാകൃഷ്ണന്, ഇടുക്കി നിയോജകമണ്ഡലം വരണാധികാരിയും ഡെപ്യൂട്ടി കലക്ടറുമായ കെ.കെ.ആര്. പ്രസാദ്, സ്വീപ് നോഡല് ഓഫിസറും സ്പെഷല് തസഹില്ദാറുമായ വി.എസ്. ബിനു തുടങ്ങിയവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.