കാഞ്ഞാര്: നിയന്ത്രണംവിട്ട പിക് അപ് വാനിടിച്ച് മൂന്ന് വിദ്യാര്ഥികള്ക്ക് പരിക്കേറ്റു. കുടയത്തൂര് ഗവ. ഹയര് സെക്കന്ഡറി സ്കൂളിലെ പ്ളസ് ടു വിദ്യാര്ഥികളായ കാഞ്ഞാര് കാത്തമടക്കല് ബാദുഷ ബഷീര്, കുടയത്തൂര് തെക്കേമുരഞ്ചോട് ഇജാസ് ഇസഹാക്ക്, കുടയത്തൂര് കുറ്റിവേലില് ശ്രീജിത് സന്തോഷ് എന്നിവര്ക്കാണ് പരിക്കേറ്റത്. രണ്ടുപേരെ തൊടുപുഴയിലെ സ്വകാര്യ ആശുപത്രിയിലും ഒരാളെ മൂലമറ്റത്തുള്ള സ്വകാര്യ ആശുപത്രിയിലും പ്രവേശിപ്പിച്ചു. കാഞ്ഞാര് പൊലീസ് സ്റ്റേഷന് സമീപം തിങ്കളാഴ്ച ഉച്ചക്ക് 2.30 ഓടെ ആയിരുന്നു അപകടം. നിയന്ത്രണംവിട്ട പിക് അപ് വാന് ബൈക്കിലും ടവേര വാനിലും ഇടിച്ചു. തുടര്ന്ന് റോഡരികിലുണ്ടായിരുന്ന വിദ്യാര്ഥികളെയും ഇടിക്കുകയായിരുന്നു. വാഹനം പൊലീസ് കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.