മൂന്നാര്: മൂന്നാറില് എസ്റ്റേറ്റില് തൊഴിലാളിയുടെ വീട്ടില് മോഷണം. കെ.ഡി.എച്ച്.പി ലക്ഷ്മി എസ്റ്റേറ്റ് വെസ്റ്റ് ഡിവിഷനിലെ എസ്റ്റേറ്റ് ലെയ്ത്ത് ഓപറേറ്ററായ മുത്തുരാജിന്െറ വീട്ടില്നിന്ന് സ്വര്ണം ഉള്പ്പെടെ രണ്ടു ലക്ഷത്തോളം വില വരുന്ന വസ്തുക്കളാണ് മോഷണം പോയത്. മാല, വള, കമ്മല് എന്നിവയുള്പ്പെടെ എട്ടു പവന് സ്വര്ണാഭരണങ്ങള്, സ്റ്റില് കാമറ, 5000 രൂപ എന്നിവ നഷ്ടപ്പെട്ടു. ശനിയാഴ്ച രാവിലെ തമിഴ്നാട്ടിലേക്ക് പോയ മുത്തുരാജ് ചൊവ്വാഴ്ച രാവിലെയാണ് മടങ്ങി വന്നത്. വീടിന്െറ പിന്വശത്തെ വാതില് കുത്തിത്തുറന്നാണ് മോഷ്ടാവ് അകത്തു പ്രവേശിച്ചത്. വീടിന്െറ പിന്വശത്തെ വാതിലായതുകാരണം ആരുടെയും ശ്രദ്ധയില്പെട്ടില്ല. മഴ കനത്തതിനാല് മഴക്കോട്ടും കുടയും വരെ കവര്ന്നെടുത്താണ് മോഷ്ടാവ് കടന്നു കളഞ്ഞത്. മൂന്നാര് എസ്.ഐ വിഷ്ണുകുമാറിന്െറ നേതൃത്വത്തില് അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.