ചെറുതോണി: വിദ്യാഭ്യാസ വായ്പ എടുത്തവരുടെ പ്രശ്നങ്ങള് പരിഹരിക്കണമെന്ന് ആവശ്യപ്പെട്ട് ഇന്ത്യന് നഴ്സസ് പേരന്റ്സ് അസോ. (ഐ.എന്.പി.എ) ഇടുക്കി ജില്ലാ കമ്മിറ്റിയുടെ ആഭിമുഖ്യത്തില് കലക്ടറേറ്റ് മാര്ച്ചും ധര്ണയും നടത്തി. തൊഴിലും വരുമാനവും ഇല്ലാത്ത നഴ്സുമാരും രക്ഷിതാക്കളും ആത്മഹത്യയുടെ വക്കിലാണെന്നും വായ്പ തിരിച്ചുപിടിക്കാന് റിലയന്സിനെ ഏല്പിച്ച നടപടി ഉടന് പിന്വലിക്കണമെന്നും മാര്ച്ച് ഉദ്ഘാടനം ചെയ്ത ഐ.എന്.പി.എ സംസ്ഥാന കമ്മിറ്റി അംഗവും ജില്ലാ വൈസ് പ്രസിഡന്റുമായ രാജു കൊന്നാനാല് ആവശ്യപ്പെട്ടു. വിദ്യാഭ്യാസ വായ്പ സമ്പൂര്ണമായി സര്ക്കാര് ഏറ്റെടുക്കുക, ജപ്തി നടപടി ഉപേക്ഷിക്കുക, വായ്പ തിരിച്ചുപിടിക്കാന് റിലയന്സിനെ ഏല്പിച്ച നടപടി പിന്വലിക്കുക എന്നീ ആവശ്യങ്ങള് ഉന്നയിച്ചായിരുന്നു മാര്ച്ച്. ജില്ലാ സെക്രട്ടറി എന്. വിനോദ് കുമാര് അധ്യക്ഷത വഹിച്ചു. ജില്ലാ പ്രസിഡന്റ് കെ.ജെ. ജോസഫ്, തങ്കച്ചന് തൈക്കാട്, സണ്ണി വാളറ, ജോസഫ് പനയ്ക്കല്, സിബി സി. മാത്യു, എ.വി. സെബാസ്റ്റ്യന് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.