കായംകുളം: ഗുണ്ട ആക്ടിൽപെട്ട് ഒളിവിൽ കഴിഞ്ഞ നിരവധി കേസുകളിലെ പ്രതി ഓപറേഷൻ ഗുണ്ട സ്പെഷൽ ഡ്രൈവിെൻറ ഭാഗമായി അറസ്റ്റിൽ. കായംകുളത്തെ ആദ്യ സദാചാര പൊലീസ് കേസിലും മോഷണം ഉൾപ്പെടെ നിരവധി കേസുകളിലും പ്രതിയായ പത്തിയൂർ എരുവ ജിജീസ് വില്ലയിൽ ആഷിഖ് എന്ന തക്കാളി ആഷിഖാണ് (21) അറസ്റ്റിലായത്. കലക്ടർ ഗുണ്ട ആക്ട് പ്രകാരം ഒരുവർഷത്തേക്ക് കരുതൽ തടങ്കലിന് വിധിച്ചെങ്കിലും ഇയാൾ ഒളിവിലായിരുന്നു. ഡിവൈ.എസ്.പി അനിൽദാസ്, സി.ഐ റജി എബ്രഹാം, എസ്.ഐ മഞ്ജുദാസ്, സ്ക്വാഡ് അംഗങ്ങളായ സന്തോഷ്, ഇല്യാസ്, അജിത്, സിറിൽ എന്നിവരാണ് പ്രതിയെ അറസ്റ്റ് ചെയ്തത്. ജില്ല പൊലീസ് മേധാവിയുടെ നിർദേശപ്രകാരം നടത്തിയ സ്പെഷൽ ഡ്രൈവിെൻറ ഭാഗമായി സ്റ്റേഷൻ അതിർത്തിയിലെ ഗുണ്ടകളുടേതുൾപ്പെടെ മുപ്പതോളം വീടുകളിലും വിവിധ പ്രദേശങ്ങളിലും തിരച്ചിൽ നടത്തി. വരുംദിവസങ്ങളിലും പരിശോധന നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.