കോടംതുരുത്തിൽ പക്ഷിപ്പനി സ്ഥിരീകരിച്ചു

തു​റ​വൂ​ർ: കോ​ടം​തു​രു​ത്ത് പ​ഞ്ചാ​യ​ത്ത് 13-ാം വാ​ർ​ഡി​ൽ പ​ക്ഷി​പ്പ​നി സ്‌​ഥി​രീ​ക​രി​ച്ചു. ജാ​ഗ്ര​ത നി​ർ​ദേ​ശ​വു​മാ​യി ആ​രോ​ഗ്യ​വ​കു​പ്പും വെ​റ്റ​റി​ന​റി​വ​കു​പ്പും പ​ഞ്ചാ​യ​ത്തും ബോ​ധ​വ​ത്​​ക​ര​ണം തു​ട​ങ്ങി. പ​ഞ്ചാ​യ​ത്തി​ലെ സെ​ന്‍റ്​​ജോ​സ​ഫ് പ​ള്ളി​ക്ക് സ​മീ​പം ഒ​രാ​ഴ്ച​ക്കു​ള്ളി​ൽ ഒ​ന്നി​ല​ധി​കം കാ​ക്ക​ക​ൾ ചാ​കു​ക​യും ചി​ല കാ​ക്ക​ക​ളെ അ​വ​ശ നി​ല​യി​ൽ ക​ണ്ടെ​ത്തി​യ​തോ​ടെ​യു​മാ​ണ് പ്ര​ദേ​ശ​വാ​സി​ക​ൾ വെ​റ്റ​റി​ന​റി ഡോ​ക്‌​ട​റെ വി​വ​ര​മ​റി​യി​ച്ച​ത്.​ച​ത്ത കാ​ക്ക​യെ വെ​റ്റ​റി​ന​റി അ​ധി​കൃ​ത​ർ ഭോ​പ്പാ​ലി​ലെ ലാ​ബി​ലേ​ക്ക​യ​ച്ചു ന​ട​ത്തി​യ പ​രി​ശോ​ധ​ന​യി​ലാ​ണ് പ​ക്ഷി​പ്പ​നി​യാ​ണെ​ന്ന് സ്ഥി​രീ​ക​രി​ച്ച​ത്.

തു​ട​ർ​ന്ന് മേ​ഖ​ല​യി​ലു​ള്ള കോ​ഴി-​താ​റാ​വ് ക​ർ​ഷ​ക​ർ​ക്കും വീ​ടു​ക​ളി​ൽ വ​ള​ർ​ത്തു​ന്ന അ​ല​ങ്കാ​ര പ​ക്ഷി​വ​ള​ർ​ത്തു​ന്നവ​ർ​ക്കും ബോ​ധ​വ​ത്​​ക​ര​ണം ആ​രം​ഭി​ച്ചു. പ​ക്ഷി​ക​ൾ​ക്ക് ഏ​തെ​ങ്കി​ലും ത​ര​ത്തി​ൽ അ​സു​ഖ​ങ്ങ​ൾ പി​ടി​പെ​ട്ടാ​ൽ അ​ധി​കൃ​ത​രെ അ​റി​യി​ക്കു​ന്ന​തി​നാ​യി മെ​ഡി​ക്ക​ൽ ഓ​ഫി​സ​ർ ഡോ.​നീ​ന​ച​ന്ദ്ര​ൻ, വെ​റ്റി​ന​റി സ​ർ​ജ​ൻ ഡോ.​അ​നു​രാ​ജ്, പ​ഞ്ചാ​യ​ത്ത് അം​ഗം വി​നി​ത സെ​ബാ​സ്റ്റ്യ​ൻ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം നി​ർ​ദേ​ശം ന​ൽ​കി.

ധാ​രാ​ളം ദേ​ശാ​ട​ന പ​ക്ഷി​ക​ളെ​ത്തു​ന്ന ജി​ല്ല​യി​ലെ വ​ല്ല​ത്തോ​ട്, ച​ങ്ങ​രം, കു​ത്തി​യ​തോ​ട് പ​ഞ്ചാ​യ​ത്തി​ന്‍റെ പ​ള്ളി​ത്തോ​ട്, തു​റ​വൂ​ർ പ​ഞ്ച​യ​ത്തി​ന്‍റെ തു​റ​വൂ​ർ ക​രി എ​ന്നി​വി​ട​ങ്ങ​ളി​ൽ പ​ക്ഷി​പ്പ​നി​ക്കെ​തി​രെ ജാ​ഗ്ര​ത​യി​ലാ​ണ് വെ​റ്റ​റി​ന​റി വി​ഭാ​ഗം അ​ധി​കൃ​ത​ർ.