ഹരീഷ്.. നിങ്ങളെ ഒറ്റുകൊടുക്കില്ല

എഴുത്തുകാരൻ ഹരീഷിന്‍റെ മീശ എന്ന നോവൽ പിൻവലിച്ചതിൽ പ്രതിഷേധം രേഖപ്പെടുത്തിക്കൊണ്ട് എഴുത്തുകാരി ശാരദക്കുട്ടി. ഹരീഷ് നിങ്ങളെ ഒറ്റു കൊടുക്കുകയില്ല. നിങ്ങൾ ഒറ്റക്കാവില്ല എന്ന്് ഉറപ്പുനൽകുന്നതാണ് ശാരദക്കുട്ടിയുടെ ഫേസ്ബുക്ക് പോസ്റ്റ്.

പോസ്റ്റിന്‍റെ പൂർണരൂപം:
ഹരീഷ്.. ഭാഷക്കു വേണ്ടി ഞാനിത്രക്കു നിസ്സഹായതയനുഭവിച്ച ഒരു ദിവസം എന്റെ ഓർമ്മയിലില്ല. എന്തെഴുതിയിട്ടും തെറ്റുന്നു. എങ്ങനെ വിശദീകരിച്ചിട്ടും തെറ്റുന്നു. വർഗ്ഗീയ ഫാസിസ്റ്റു ശക്തികൾക്കു മുന്നിൽ തല കുനിക്കേണ്ടി വരുന്ന ആ സാഹചര്യം ഭയാനകമാണ്. നിങ്ങൾ കഴിഞ്ഞ ദിവസങ്ങളിൽ കടന്നു പോയ സമ്മർദ്ദങ്ങൾ അറിയാം. എങ്കിലും വേദന.. അപമാനം.. നിസ്സഹായത ഒക്കെ നിങ്ങൾക്കൊപ്പം അനുഭവിക്കുന്നു.. നിങ്ങളെ ഒറ്റു കൊടുക്കുകയില്ല. നിങ്ങൾ ഒറ്റക്കാവില്ല കൂടെയുണ്ടാകും. ഉറപ്പു തരുന്നു.