കുറ്റാന്വേഷണത്തിൽ ചരിത്രമെഴുതി ഗനീമ അൽമുത്വവ്വ

ദു​ബൈ: ഇ​മാ​റാ​ത്തി വ​നി​ത ദി​നം ഞാ​യ​റാ​ഴ്ച ആ​ച​രി​ക്കു​മ്പോ​ൾ അ​റ​ബ്​ ലോ​ക​ത്തെ ഏ​റ്റ​വും സ​ജീ​വ​മാ​യ സ്ത്രീ​സാ​ന്നി​ധ്യ​ത്താ​ൽ തി​ള​ങ്ങു​ക​യാ​ണ്​ യു.​എ.​ഇ​യി​ലെ സ​ർ​ക്കാ​ർ വ​കു​പ്പു​ക​ൾ. ദു​ബൈ പൊ​ലീ​സ്​ ക്യാ​പ്​​റ്റ​ൻ ഗ​നീ​മ അ​ൽ മു​ത്വ​വ്വ​യു​ടെ ജീ​വി​തം ഇ​തി​നൊ​രു തെ​ളി​വാ​ണ്.

ക​ഴി​ഞ്ഞ 26 വ​ർ​ഷ​മാ​യി ദു​ബൈ പൊ​ലീ​സി​ലെ കു​റ്റാ​ന്വേ​ഷ​ണ വി​ഭാ​ഗ​ത്തി​ലാ​ണ്​ ഇ​വ​ർ പ്ര​വ​ർ​ത്തി​ക്കു​ന്ന​ത്. 1993ലാ​ണ്​ ഹൈ​സ്കൂ​ൾ പ​ഠ​ന​ത്തി​ന്​ ശേ​ഷം പ്ര​ത്യേ​ക സൈ​നി​ക പ​രി​ശീ​ല​നം പാ​സാ​യി​ മു​റ​ഖ​ബാ​ത്ത് പൊ​ലീ​സ് സ്റ്റേ​ഷ​നി​ൽ ഇ​വ​ർ ജോ​ലി​യി​ൽ പ്ര​വേ​ശി​ക്കു​ന്ന​ത്. ബി​സി​ന​സ് മാ​നേ​ജ്‌​മെ​ന്‍റി​ൽ ബി​രു​ദം നേ​ടി​യി​രു​ന്നെ​ങ്കി​ലും പൊ​ലീ​സി​ലും ക്രി​മി​ന​ൽ അ​ന്വേ​ഷ​ണ​ത്തി​ലു​മു​ണ്ടാ​യി​രു​ന്ന താ​ൽ​പ​ര്യം സേ​ന​യി​ൽ തു​ട​രാ​ൻ പ്രേ​രി​പ്പി​ക്കു​ക​യാ​യി​രു​ന്നു.

ആ​ദ്യ​ത്തെ മൂ​ന്നു​കൊ​ല്ല​ത്തെ ജോ​ലി​ക്ക്​ ശേ​ഷം ക്രി​മി​ന​ൽ ഇ​ൻ​വെ​സ്റ്റി​ഗേ​റ്റ​ർ എ​ന്ന ത​സ്തി​ക​യി​ൽ നി​യ​മി​ത​യാ​യി. ആ​ദ്യ​മാ​യി ഒ​രു ക​ട​യി​ൽ സ്ത്രീ ​ന​ട​ത്തി​യ മോ​ഷ​ണം അ​ന്വേ​ഷി​ക്കു​ന്ന​തി​നാ​ണ്​ ചു​മ​ത​ല​പ്പെ​ടു​ത്ത​പ്പെ​ട്ട​ത്. ഇ​ത്​ ന​ല്ല രീ​തി​യി​ൽ അ​ന്വേ​ഷി​ച്ച്​ തെ​ളി​യി​ച്ച​ത്​ വ​ലി​യ ആ​ത്മ​വി​ശ്വാ​സം പ​ക​രു​ന്ന​താ​യി​രു​ന്നു. പി​ന്നീ​ട്​ വ​ന്ന ഓ​രോ കേ​സു​ക​ളും തെ​ളി​യി​ക്കാ​നും കു​റ്റ​വാ​ളി​ക​ളെ പി​ടി​കൂ​ടു​ന്ന​തി​ലും പു​രു​ഷ പൊ​ലീ​സു​കാ​രെ പോ​ലെ ത​ന്നെ ഇ​വ​ർ വി​ജ​യി​ച്ചു. സ്ത്രീ​ക​ളും കു​ട്ടി​ക​ളും ഇ​ര​ക​ളാ​ക്ക​പ്പെ​ടു​ന്ന കേ​സു​ക​ളി​ൽ ഗ​നീ​മ​യു​ടെ സാ​ന്നി​ധ്യം അ​വ​ർ​ക്ക്​ ആ​ശ്വാ​സ​മാ​യി​രു​ന്നു.

ദു​ബൈ പൊ​ലീ​സി​ലെ ഉ​ന്ന​ത നേ​തൃ​ത്വ​ങ്ങ​ളു​ടെ പി​ന്തു​ണ എ​പ്പോ​ഴും ജോ​ലി​ക്ക്​ ല​ഭി​ച്ചി​ട്ടു​ണ്ടെ​ന്ന്​ വ​നി​ത ദി​ന​ത്തി​ന്​ മു​ന്നോ​ടി​യാ​യി അ​വ​ർ പ​റ​ഞ്ഞു. ക​ഴി​ഞ്ഞ ജൂ​ണി​ൽ ദു​ബൈ പൊ​ലീ​സ് ജ​ന​റ​ൽ ക​മാ​ൻ​ഡ് അ​ൽ ഖ​വാ​നീ​ജ് പൊ​ലീ​സ് സ്റ്റേ​ഷ​ൻ തു​റ​ന്ന​പ്പോ​ൾ ക്രി​മി​ന​ൽ ര​ജി​സ്‌​ട്രേ​ഷ​ൻ വി​ഭാ​ഗം മേ​ധാ​വി​യാ​യി ക്യാ​പ്റ്റ​ൻ ഗ​നീ​മ​യെ​യാ​ണ്​ നി​യ​മി​ച്ച​ത്. ഈ​വ​ർ​ഷം തു​ട​ക്കം മു​ത​ൽ പൊ​ലീ​സ് സ്റ്റേ​ഷ​ന്‍റെ അ​ധി​കാ​ര​പ​രി​ധി​യി​ലെ 661 ക്രി​മി​ന​ൽ റി​പ്പോ​ർ​ട്ടു​ക​ൾ അ​വ​ർ കൈ​കാ​ര്യം ചെ​യ്യു​ക​യും മേ​ൽ​നോ​ട്ടം വ​ഹി​ക്കു​ക​യും ചെ​യ്തി​ട്ടു​ണ്ട്.

ഇ​ത്ത​ര​ത്തി​ൽ നൂ​റു​ക​ണ​ക്കി​ന്​ കേ​സു​ക​ളെ​യും കു​റ്റ​വാ​ളി​ക​ളെ​യും കൈ​കാ​ര്യം ചെ​യ്യു​ന്ന​തി​ൽ ഇ​വ​ർ മു​ന്നി​ട്ടു​നി​ൽ​ക്കു​ന്നു. ത​ന്‍റെ പ്ര​ഫ​ഷ​ന​ൽ യാ​ത്ര​യി​ൽ ക്യാ​പ്റ്റ​ൻ ഗ​നീ​മ​ക്ക്​ നി​ര​വ​ധി അം​ഗീ​കാ​ര​ങ്ങ​ളും എ​ക്സ​ല​ൻ​സ് അ​വാ​ർ​ഡു​ക​ളും ല​ഭി​ച്ചു. ജോ​ലി ചു​മ​ത​ല​ക​ളും മാ​താ​വെ​ന്ന നി​ല​യി​ലു​ള്ള റോ​ളും സ​ന്തു​ലി​ത​മാ​ക്കു​ന്ന​തി​ൽ വി​ജ​യി​ച്ച​താ​യി അ​വ​ർ അ​ഭി​മാ​ന​ത്തോ​ടെ പ​റ​യു​ന്നു.

രാഷ്ട്രവികസനത്തിലെ സ്ത്രീപങ്കിനെ അഭിനന്ദിച്ച്​ ശൈഖ ഫാത്തിമ

അ​ബൂ​ദ​ബി: യു.​എ.​ഇ​യു​ടെ വി​ക​സ​ന​ത്തി​ലും മു​ന്നേ​റ്റ​ത്തി​ലും ഇ​മാ​റാ​ത്തി സ്ത്രീ​ക​ൾ വ​ഹി​ക്കു​ന്ന പ​ങ്കി​നെ അ​ഭി​ന​ന്ദി​ച്ച്​ രാ​ഷ്ട്ര​മാ​താ​വ്​ ശൈ​ഖ ഫാ​ത്തി​മ ബി​ൻ​ത്​ മു​ബാ​റ​ക്​ അ​ൽ കെ​ത്​​ബി. ഇ​മാ​റാ​ത്തി അ​ബൂ​ദ​ബി നാ​ഷ​ന​ൽ ഓ​യി​ൽ ക​മ്പ​നി (അ​ഡ്​​നോ​ക്) സം​ഘ​ടി​പ്പി​ച്ച പ​രി​പാ​ടി​യി​ൽ അ​വ​രെ പ്ര​തി​നി​ധാ​നം ചെ​യ്ത് സ​ഹ​മ​ന്ത്രി ഡോ. ​മൈ​സ അ​ൽ ശം​സി ന​ട​ത്തി​യ പ്ര​സം​ഗ​ത്തി​ലാ​ണ്​ ഇ​ക്കാ​ര്യം വ്യ​ക്​​ത​മാ​ക്കി​യ​ത്.

സ്ത്രീ​ക​ളെ ശാ​ക്തീ​ക​രി​ക്കു​ന്ന​തി​നും എ​ണ്ണ-​വാ​ത​ക മേ​ഖ​ല​യി​ൽ അ​വ​രു​ടെ പ​ങ്കാ​ളി​ത്തം വ​ർ​ധി​പ്പി​ക്കു​ന്ന​തി​നു​മു​ള്ള അ​ഡ്‌​നോ​ക്കി​ന്‍റെ പ​രി​ശ്ര​മ​ങ്ങ​ളെ ശൈ​ഖ ഫാ​ത്തി​മ അ​ഭി​ന​ന്ദി​ച്ചു. നേ​തൃ​പാ​ട​വ​വും മി​ക​വും കൈ​വ​രി​ക്കു​ന്ന​തി​ന് യു.​എ.​ഇ​യും അ​തി​ന്‍റെ നേ​തൃ​ത്വ​വും സ്ത്രീ​ക​ൾ​ക്ക് തു​ട​ർ​ന്നും പി​ന്തു​ണ ന​ൽ​കു​മെ​ന്ന് അ​വ​ർ കൂ​ട്ടി​ച്ചേ​ർ​ത്തു.

മൃ​ഗ, വ​ന്യ​ജീ​വി സം​ര​ക്ഷ​ണ മേ​ഖ​ല​ക​ളി​ൽ തി​ള​ങ്ങി വ​നി​ത​ക​ൾ

അ​ൽ​ഐ​ൻ: 54 വ​ർ​ഷ​ത്തെ പ്ര​വ​ർ​ത്ത​ന​കാ​ല​ത്ത്​ സ്ത്രീ​ക​ൾ​ക്ക് അ​തു​ല്യ​മാ​യ തൊ​ഴി​ല​വ​സ​ര​ങ്ങ​ൾ ന​ൽ​കാ​നും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന തൊ​ഴി​ൽ അ​ന്ത​രീ​ക്ഷം സൃ​ഷ്ടി​ക്കാ​നും അ​ൽ​ഐ​ൻ മൃ​ഗ​ശാ​ല​ക്ക്​ സാ​ധി​ച്ചി​ട്ടു​ണ്ട്. മൃ​ഗ​സം​ര​ക്ഷ​ണം, വ​ന്യ​ജീ​വി സം​ര​ക്ഷ​ണം, പ്ര​കൃ​തി സം​ര​ക്ഷ​ണം എ​ന്നീ മേ​ഖ​ല​ക​ളി​ൽ പ​ദ​വി​ക​ൾ ഏ​റ്റെ​ടു​ക്കാ​ൻ ഉ​യ​ർ​ന്ന യോ​ഗ്യ​ത​യു​ള്ള നി​ര​വ​ധി വ​നി​ത​ക​ളാ​ണ് മു​ന്നോ​ട്ടു​വ​ന്നി​ട്ടു​ള്ള​ത്.

ഇ​വി​ടെ 95 ശ​ത​മാ​നം വ​നി​ത ജീ​വ​ന​ക്കാ​രും ഇ​മാ​റാ​ത്തി​ക​ളാ​ണ്. പ​രി​ശീ​ല​ക​ർ, മൃ​ഗ പ​രി​പാ​ല​ക​ർ, മൃ​ഗ​ഡോ​ക്ട​ർ​മാ​ർ, വെ​റ്റ​റി​ന​റി ന​ഴ്സു​മാ​ർ, മൃ​ഗ പോ​ഷ​കാ​ഹാ​ര വി​ദ​ഗ്ധ​ർ, തോ​ട്ടം പ​രി​പാ​ല​ക​ർ, ല​ബോ​റ​ട്ട​റി, അ​നാ​ട്ട​മി ടെ​ക്നീ​ഷ്യ​ൻ​മാ​ർ, ടൂ​ർ ഗൈ​ഡു​ക​ൾ, സ​ഫാ​രി ഗൈ​ഡു​ക​ൾ തു​ട​ങ്ങി​യ മേ​ഖ​ല​ക​ളി​ൽ മൃ​ഗ​ശാ​ല വ​നി​ത​ക​ളെ നി​യ​മി​ച്ചി​ട്ടു​ണ്ട്. അ​ഡ്മി​നി​സ്ട്രേ​റ്റി​വ്, സൂ​പ്പ​ർ​വൈ​സ​റി സ്ഥാ​ന​ങ്ങ​ളി​ലും നി​ര​വ​ധി വ​നി​ത​ക​ളു​ണ്ട്. മൊ​ത്തം 204 വ​നി​ത ഇ​മാ​റാ​ത്തി പ്ര​ഫ​ഷ​ന​ലു​ക​ൾ മൃ​ഗ​ശാ​ല​യി​ൽ ജോ​ലി ചെ​യ്യു​ന്നു. മു​ൻ​കാ​ല​ങ്ങ​ളി​ൽ അ​റ​ബ് സ്ത്രീ​ക​ൾ വി​ര​ള​മാ​യി മാ​ത്രം ക​ട​ന്നു​വ​ന്ന ഇ​ത്ത​രം മേ​ഖ​ല​ക​ളി​ൽ സ്ത്രീ​ക​ളെ പി​ന്തു​ണ​ക്കു​ന്ന​തി​ന്​ സ​ജീ​വ​മാ​യ പ​ങ്ക് മൃ​ഗ​ശാ​ല വ​ഹി​ക്കു​ന്നു​ണ്ട്.