ദുബൈ: കുതിരയുടെ വേർപാടിൽ പൊട്ടിക്കരഞ്ഞ് ലോകത്തിന്റെ ഹൃദയംകവർന്ന ഇറാഖി ബാലിക ലാനിയ ഫാഖിറിന് ദുബൈ സന്ദർശിക്കാൻ യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്റെ ക്ഷണം. ലാനിയയുടെ പിതാവ് ഫാഖിർ മുഹമ്മദ് റസൂലാണ് ഇക്കാര്യം വെളിപ്പെടുത്തിയത്.
ചൊവ്വാഴ്ച യു.എ.ഇയിൽ എത്തിച്ചേരുമെന്നാണ് വ്യക്തമാക്കിയത്. കൂടിക്കാഴ്ചയുടെ സമയം വെളിപ്പെടുത്തിയിട്ടില്ലെങ്കിലും ബുധനാഴ്ചയായിരിക്കുമെന്നാണ് പ്രതീക്ഷിക്കുന്നത്. കഴിഞ്ഞ ദിവസം ശൈഖ് മുഹമ്മദ് ഒന്നിലേറെ കുതിരകളെയും സ്വന്തമായി ഒരു കുതിരയോട്ട പരിശീലനകേന്ദ്രം നിർമിക്കാനുള്ള സഹായവും ലാനിയക്ക് വാഗ്ദാനംചെയ്തിരുന്നു. ഇറാഖിലെ കുർദിസ്താനിലാണ് ലാനിയയുടെ സ്വദേശം.
ഇവിടെയാണ് പരിശീലനകേന്ദ്രം നിർമിച്ചുനൽകുക. മകളുടെ ദുഃഖം കുറയുന്നതിന് കാരണമായി സമ്മാനങ്ങൾ പ്രഖ്യാപിച്ച ശൈഖ് മുഹമ്മദിന് ഹൃദയം നിറഞ്ഞ നന്ദിയുണ്ടെന്ന് ഫാഖിർ ഒരു ടി.വി അഭിമുഖത്തിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.