63 ദിവസംകൊണ്ട് 3,100 കിലോമീറ്റർ; ഇന്ത്യയെ നടന്നറിഞ്ഞ് ടി.പി. ഷാജി

അ​ല​ന​ല്ലൂ​ർ: കാ​ൽ​ന​ട​യാ​യി 63 ദി​വ​സം ​കൊ​ണ്ട് 3,100 കി​ലോ​മീ​റ്റ​ർ. ക​ർ​ക്കി​ടാം​കു​ന്ന് ന​ല്ല​പ്പു​ള്ളി​ക്കാ​ര​ൻ ടി.​പി. ഷാ​ജി ഇ​ന്ത്യ​യെ ന​ട​ന്ന​റി​ഞ്ഞു, ക​ൺ​കു​ളി​ർ​ക്കെ ക​ണ്ടു. ഒ​രു​പാ​ട് കാ​ല​മാ​യി മ​ന​സ്സി​ൽ കൊ​ണ്ടു​ന​ട​ന്ന ‘കേ​ര​ള ടു ​ക​ശ്മീ​ർ’ യാ​ത്ര​ക്ക് ഫെ​ബ്രു​വ​രി ഒ​ന്നി​നാ​ണ് അ​വ​സ​രം ഒ​ത്തു​വ​ന്ന​ത്. പ്ര​ചാ​ര​ണ​ങ്ങ​ൾ ഒ​ന്നു​മി​ല്ലാ​തെ ആ​രോ​ടും പ​റ​യാ​തെ ഷാ​ജി ത​ന്റെ സ്വ​പ്ന​ത്തി​ലേ​ക്ക് ന​ട​ന്നു​തു​ട​ങ്ങി.

രാ​വി​ലെ ആ​റി​ന് തു​ട​ങ്ങി ഉ​ച്ച​ക്ക് ര​ണ്ടു​വ​രെ ന​ട​ക്കും. ര​ണ്ട് മ​ണി​ക്കൂ​ർ ഭ​ക്ഷ​ണ​വും വി​ശ്ര​മ​വും. വൈ​കീ​ട്ട് നാ​ലു​മു​ത​ൽ ഏ​ഴു​വ​രെ വീ​ണ്ടും ന​ട​ത്തം. രാ​ത്രി 11 മു​ത​ൽ ഒ​ന്നു​വ​രെ ന​ട​ന്ന ദി​വ​സ​വും ഉ​ണ്ടാ​യി. ഒ​രു ദി​വ​സം ശ​രാ​ശ​രി 40 - 50 കി​ലോ​മീ​റ്റ​റാ​ണ് ന​ട​ക്കാ​റു​ള്ള​ത്. ചി​ല ദി​വ​സ​ങ്ങ​ളി​ൽ 62 കി​ലോ​മീ​റ്റ​ർ വ​രെ ന​ട​ന്നു.

കാ​ൽ​ന​ട പാ​ടി​ല്ലാ​ത്ത വ​ന​ത്തി​ലൂ​ടെ​യും ട​ണ​ലു​ക​ളി​ലൂ​ടെ​യും സ​ഞ്ച​രി​ക്കാ​ൻ മാ​ത്രം മ​റ്റു വാ​ഹ​ന​ങ്ങ​ൾ ആ​ശ്ര​യി​ച്ചു. ഹോ​ട്ട​ലു​ക​ൾ, പ​ള്ളി​ക​ൾ, ഗു​രു​ദ്വാ​ര, ദാ​ബ, പെ​ട്രോ​ൾ പ​മ്പു​ക​ൾ, ടെ​ന്റ് എ​ന്നി​വി​ട​ങ്ങ​ളി​ലാ​യി​രു​ന്നു രാ​ത്രി താ​മ​സം. ‘സേ​ഫ് ഇ​ന്ത്യ, ഫ്ര​ൻ​റ്ലി ഇ​ന്ത്യ’ എ​ന്ന സ്വ​ന്തം സ​ന്ദേ​ശം ബാ​ഗി​ന്റെ പു​റ​ത്ത് പ്ര​ദ​ർ​ശി​പ്പി​ച്ചാ​യി​രു​ന്നു യാ​ത്ര.

കേ​ര​ളം, ത​മി​ഴ്നാ​ട്, ക​ർ​ണാ​ട​ക, ആ​ന്ധ്ര​പ്ര​ദേ​ശ്, തെ​ലങ്കാ​ന, മ​ഹാ​രാ​ഷ്ട്ര, മ​ധ്യ​പ്ര​ദേ​ശ്, ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, ഡ​ൽ​ഹി, പ​ഞ്ചാ​ബ്, ഹ​രി​യാ​ന, ഹി​മാ​ച​ൽ പ്ര​ദേ​ശ്, ജ​മ്മു - കശ്മീ​ർ എ​ന്നീ സം​സ്ഥാ​ന​ങ്ങ​ളി​ലൂ​ടെ​യു​ള്ള യാ​ത്ര​യു​ടെ അ​നു​ഭ​വ​ങ്ങ​ൾ ഷാ​ജി​ക്ക് പ​റ​ഞ്ഞ​റി​യി​ക്കാ​നാ​കാ​ത്ത​താ​ണ്. ഓ​രോ ഗ്രാ​മ, ന​ഗ​ര പ്ര​ദേ​ശ​ങ്ങ​ളി​ലും വ​ലി​യ സ്വീ​ക​ര​ണ​മാ​ണ് ല​ഭി​ച്ച​ത്. ആ​ഗ്ര​യി​ൽ ന​ട​ന്നു പോ​കു​ന്ന​തി​നി​ടെ മൊ​ബൈ​ൽ ഫോ​ൺ അ​പ​ഹ​രി​ച്ച​തും യു.​പി​യി​ൽ രാ​ത്രി താ​മ​സം ശ​രി​യാ​യ ഒ​രി​ട​ത്ത് താ​ൻ മു​സ്‌​ലി​മാ​ണെ​ന്ന് മ​ന​സ്സി​ലാ​യ​തോ​ടെ ഇ​റ​ക്കി​വി​ട്ട​തും മാ​ത്ര​മാ​ണ് ദു​ര​നു​ഭ​വം.

ട്രോ​മ​കെ​യ​ർ നാ​ട്ടു​ക​ൽ യൂ​നി​റ്റ് കോ​ഓ​ഡി​നേ​റ്റ​റാ​യ ഷാ​ജി​ക്ക് ആ​ഗ്ര​യി​ൽ വാ​ഹ​നാ​പ​ക​ട​ത്തി​ൽ പ​രി​ക്കേ​റ്റ ആ​ൾ​ക്ക് പ്ര​ഥ​മ ശു​ശ്രൂ​ഷ ന​ൽ​കാ​നും ക​ഴി​ഞ്ഞു. വാ​ഹ​ന​ങ്ങ​ളി​ൽ യാ​ത്ര പോ​യാ​ൽ മി​ന്നി മ​റ​യു​ന്ന കാ​ഴ്ച​ക​ളാ​യി​രി​ക്കു​മെ​ന്നും അ​വ ആ​സ്വ​ദി​ക്കാ​നാ​കി​ല്ലെ​ന്നു​മു​ള്ള അ​നു​ഭ​വ​ത്തി​ൽ നി​ന്നാ​ണ് കാ​ൽ​ന​ട​യാ​ത്ര തി​ര​ഞ്ഞെ​ടു​ത്ത​ത്.

യാ​ത്ര​ക്കാ​യി എ​ട്ടു മാ​സം പ്ര​ഭാ​ത​സ​വാ​രി ന​ട​ത്തി പ​രി​ശീ​ലി​ച്ചി​രു​ന്നെ​ന്നും ഷാ​ജി പ​റ​ഞ്ഞു. ട്രെ​യി​നി​ൽ മ​ട​ക്ക​യാ​ത്ര ആ​രം​ഭി​ച്ച ഷാ​ജി ശ​നി​യാ​ഴ്ച രാ​ത്രി നാ​ട്ടി​ലെ​ത്തും.ന​ല്ലൂ​ർ​പ്പു​ള്ളി​യി​ലെ താ​ഴ​ത്തെ​പീ​ടി​ക ഉ​ണ്ണി​മൂ​സ എ​ന്ന ആ​പ്പി​യു​ടെ​യും ന​ഫീ​സ​യു​ടെ​യും മ​ക​നാ​യ ഷാ​ജി ക​നി​വ് ക​ർ​ക്കി​ടാം​കുന്നി​ന്റെ വൈ​സ് പ്ര​സി​ഡ​ന്റും പൊ​തു പ്ര​വ​ർ​ത്ത​ക​നു​മാ​ണ്.