പ്രിയതമയെ അവസാന നോക്ക് കാണാനായില്ലെങ്കിലും വെറുംകൈയോടെ അഭിമന്യു നാടണഞ്ഞു

റി​യാ​ദ്​: പ്രി​യ​ത​മ​യെ അ​വ​സാ​ന​മാ​യി ഒ​രു നോ​ക്ക് കാ​ണാ​നാ​യി​ല്ലെ​ങ്കി​ലും വെ​റും​കൈ​യോ​ടെ ഒ​ഡി​ഷ ഭു​വ​നേ​ശ്വ​ർ സ്വ​ദേ​ശി അ​ഭി​മ​ന്യു (42) നാ​ട​ണ​ഞ്ഞു. എ​ട്ടു മാ​സം മു​മ്പാ​ണ് ഇ​യാ​ൾ ട്ര​ക്ക് ഡ്രൈ​വ​ർ വി​സ​യി​ൽ റി​യാ​ദി​ലെ ഒ​രു സ്വ​കാ​ര്യ ക​ൺ​സ്ട്ര​ക്ഷ​ൻ ക​മ്പ​നി​യി​ലെ​ത്തു​ന്ന​ത്. ക​ഴി​ഞ്ഞ ചൊ​വ്വാ​ഴ്ച ഭാ​ര്യ സീ​ത സ​മ​ന്ത​റാ​യ് നാ​ട്ടി​ൽ മ​രി​ച്ചു. അ​വ​രെ അ​വ​സാ​ന​മാ​യൊ​ന്ന്​ കാ​ണാ​ൻ നാ​ട്ടി​ൽ പോ​ക​ണ​മെ​ന്ന്​ ആ​ഗ്ര​ഹി​ച്ചെ​ങ്കി​ലും സ്​​പോ​ൺ​സ​ർ അ​നു​വാ​ദം ന​ൽ​കി​യി​ല്ലെ​ന്നു മാ​ത്ര​മ​ല്ല ദേ​ഹോ​പ​ദ്ര​വം ഏ​ൽ​പി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്തു.

നാ​ട്ടി​ൽ കു​ടും​ബം ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഇ​ന്ത്യ​ൻ എം​ബ​സി ഈ ​കാ​ര്യ​ത്തി​ൽ ഇ​ട​പെ​ടു​ക​യാ​യി​രു​ന്നു. തു​ട​ർ​ന്ന് നി​ഹ്​​മ​ത്തു​ല്ല​യെ (പ്ര​വാ​സി വെ​ൽ​ഫെ​യ​ർ) സ്പോ​ൺ​സ​റു​മാ​യി സം​സാ​രി​ക്കാ​ൻ എം​ബ​സി നി​യോ​ഗി​ച്ചു. എ​ന്നാ​ൽ, വ​ള​രെ മോ​ശ​മാ​യ രീ​തി​യി​ലാ​ണ് സ്പോ​ൺ​സ​ർ പ്ര​തി​ക​രി​ച്ച​ത്. മ​നു​ഷ്യ​ത്വം തീ​രെ​യി​ല്ലാ​തെ പ്ര​തി​ക​രി​ച്ച ഇ​യാ​ൾ ഒ​രു ത​ര​ത്തി​ലും നാ​ട്ടി​ലേ​ക്കു​പോ​കു​വാ​നു​ള്ള അ​നു​വാ​ദം ന​ൽ​കി​യി​ല്ല. ക​രാ​ർ പ്ര​കാ​ര​മു​ള്ള ര​ണ്ടു​ വ​ർ​ഷം ക​ഴി​യാ​തെ വി​ടി​ല്ലെ​ന്ന ഉ​റ​ച്ച നി​ല​പാ​ടെ​ടു​ത്തു. തു​ട​ർ​ന്ന് ഇ​ന്ത്യ​ൻ എം​ബ​സി​യി​ലേ​ക്ക് അ​ദ്ദേ​ഹ​ത്തെ വി​ളി​ച്ചു​വ​രു​ത്തു​ക​യും എം​ബ​സി അ​ധി​കൃ​ത​ർ നേ​രി​ട്ട് സം​സാ​രി​ച്ചി​ട്ടും സ്പോ​ൺ​സ​റു​ടെ നി​ല​പാ​ടി​ൽ മാ​റ്റ​മു​ണ്ടാ​യി​ല്ല.

എം​ബ​സി അ​ധി​കൃ​ത​ർ വി​സ ന​ൽ​കി​യ ഏ​ജ​ൻ​റു​മാ​യി ബ​ന്ധ​പ്പെ​ട്ട് കാ​ര്യ​ങ്ങ​ളു​ടെ ഗൗ​ര​വം അ​റി​യി​ച്ചു. എ​ട്ടു മാ​സം മു​മ്പ്​ റി​യാ​ദി​ലെ​ത്തി​യ അ​ഭി​മ​ന്യു​വി​ന് ഇ​തു​വ​രെ ഇ​ഖാ​മ ന​ൽ​കി​യി​ട്ടി​ല്ലാ​യി​രു​ന്നു. കൂ​ടാ​തെ, മൂ​ന്നു​ മാ​സ​ത്തോ​ള​മാ​യി ശ​മ്പ​ള​വും ത​ട​ഞ്ഞു വെ​ച്ചി​രി​ക്കു​ക​യാ​ണ്. ഈ ​കാ​ര്യ​ങ്ങ​ളെ​ല്ലാം വി​ശ​ദീ​ക​രി​ച്ച് ഏ​ജ​ൻ​റി​നെ അ​റി​യി​ച്ച​പ്പോ​ൾ സ്പോ​ൺ​സ​ർ ശ​മ്പ​ളം ന​ൽ​കു​ന്ന വി​ഡി​യോ ഏ​ജ​ൻ​റി​ന് അ​യ​ച്ച് കൊ​ടു​ത്തു. എ​ന്നാ​ൽ, വി​ഡി​യോ ത​ന്നെ ഭീ​ഷ​ണി​പ്പെ​ടു​ത്തി ചെ​യ്യി​ച്ച​താ​ണെ​ന്നും ചി​ത്രീ​ക​ര​ണ​ത്തി​നു​ശേ​ഷം ന​ൽ​കി​യ ശ​മ്പ​ളം പി​ടി​ച്ചു​വാ​ങ്ങു​ക​യും ചെ​യ്ത​താ​യി അ​ഭി​മ​ന്യു എം​ബ​സി അ​ധി​കൃ​ത​രെ അ​റി​യി​ച്ചു.

തു​ട​ർ​ന്ന് സ്പോ​ൺ​സ​റു​ടെ ഉ​പ​ദ്ര​വം രൂ​ക്ഷ​മാ​യ​പ്പോ​ൾ ഇ​ന്ത്യ​ൻ എം​ബ​സി അ​ധി​കൃ​ത​രു​ടെ നി​ർ​ദേ​ശ​പ്ര​കാ​രം സ്പോ​ൺ​സ​റു​ടെ​യ​ടു​ത്ത് നി​ന്നി​റ​ങ്ങി എം​ബ​സി​യി​ൽ അ​ഭ​യം തേ​ടി. തു​ട​ർ​ന്ന് ത​ർ​ഹീ​ൽ വ​ഴി എ​ക്സി​റ്റ് അ​ടി​ച്ച് ഇ​ന്ന് നാ​ട്ടി​ലേ​ക്ക് പോ​കാ​ൻ എം​ബ​സി അ​ധി​കൃ​ത​ർ വ​ഴി​യൊ​രു​ക്കി. ഇ​ന്ത്യ​ൻ എം​ബ​സി സെ​ക്ക​ൻ​ഡ്​ സെ​ക്ര​ട്ട​റി ലേ​ബ​ർ അ​റ്റാ​ഷെ ഭ​ഗ​വാ​ൻ മീ​ന, ഓ​ഫി​സ​ർ​മാ​രാ​യ ഷ​റ​ഫു​ദ്ദീ​ൻ, ന​സീം തു​ട​ങ്ങി​യ​വ​രാ​ണ് എം​ബ​സി​യു​ടെ ഭാ​ഗ​ത്തു​നി​ന്ന് നി​യ​മ​പ​ര​മാ​യ സ​ഹാ​യ​ങ്ങ​ൾ ന​ൽ​കി​യ​ത്. കൂ​ടാ​തെ, അ​ഭി​മ​ന്യു​വി​ന് ക​ഴി​ഞ്ഞ ദി​വ​സ​ങ്ങ​ളി​ൽ ഹോ​ട്ട​ൽ സൗ​ക​ര്യ​വും മും​ബൈ​യി​ൽ​നി​ന്നും ഭു​വ​നേ​ശ്വ​ർ വ​രെ​യു​ള്ള എ​യ​ർ ടി​ക്ക​റ്റും ന​ൽ​കി പ്ര​വാ​സി വെ​ൽ​െ​ഫ​യ​ർ പ്ര​വ​ർ​ത്ത​ക​രാ​യ നി​ഹ്​​മ​ത്തു​ല്ല, ശി​ഹാ​ബ് കു​ണ്ടൂ​ർ, ബ​ഷീ​ർ പാ​ണ​ക്കാ​ട് തു​ട​ങ്ങി​യ​വ​രും കൂടെയുണ്ടായിരുന്നു.