ആലിൻ എരിഞ്ഞു, നാലു തിരികൾ തെളിച്ച്; സംസ്ഥാനത്തെ ഏറ്റവും പ്രായംകുറഞ്ഞ അവയവ ദാതാവ്

കൊ​ച്ചി: ത​ന്നെ​പ്പോ​ലെ​യു​ള്ള നാ​ലു കു​രു​ന്നു തു​ടി​പ്പു​ക​ളെ ജീ​വി​ത​തീ​ര​ത്ത​ടു​പ്പി​ച്ച്​ ആ​ലി​നെ​ന്ന പ​ത്തു മാ​സ​ക്കാ​രി യാ​ത്ര​യാ​യി. വാ​ഹ​നാ​പ​ക​ട​ത്തെ തു​ട​ർ​ന്ന്​ അ​തീ​വ ഗു​രു​ത​രാ​വ​സ്ഥ​യി​ൽ എ​റ​ണാ​കു​ളം അ​മൃ​ത ആ​ശു​പ​​ത്രി​യി​ൽ പ്ര​വേ​ശി​പ്പി​ച്ചി​രു​ന്ന ആ​ലി​നെ ര​ക്ഷി​ക്കാ​നു​ള്ള എ​ല്ലാ ശ്ര​മ​ങ്ങ​ളും പ​രാ​ജ​യ​പ്പെ​ട്ട​തോ​ടെ പ​ത്ത​നം​തി​ട്ട മ​ല്ല​പ്പ​ള്ളി സ്വ​ദേ​ശി​ക​ളാ​യ മാ​താ​പി​താ​ക്ക​ൾ അ​രു​ൺ എ​ബ്ര​ഹാ​മും ​ഷെ​റി​നും അ​വ​ളി​ലു​ടെ നാ​ലു പേ​ർ ജീ​വി​ക്ക​ട്ടെ എ​ന്ന്​ തീ​രു​മാ​നി​ക്കു​ക​യാ​യി​രു​ന്നു.

ഇ​തോ​ടെ സം​സ്ഥാ​ന​ത്തെ ഏ​റ്റ​വും പ്രാ​യം കു​റ​ഞ്ഞ അ​വ​യ​വ ദാ​താ​വാ​യി ആ​ലി​ൻ ഷെ​റി​ൻ എ​ബ്ര​ഹാം. ഫെ​ബ്രു​വ​രി അ​ഞ്ചി​ന് ഉ​ച്ച​ക്ക് 2.30ഓ​ടെ എം.​സി റോ​ഡി​ൽ പ​ള്ളം ബോ​ർ​മ ക​വ​ല ജം​ഗ്ഷ​ന് സ​മീ​പം ആ​ലി​നും മാ​താ​വും മാ​താ​വി​ന്‍റെ ര​ക്ഷി​താ​ക്ക​ളും സ​ഞ്ച​രി​ച്ചി​രു​ന്ന കാ​റി​ൽ എ​തി​ർ​ദി​ശ​യി​ൽ നി​ന്നെ​ത്തി​യ വാ​ഹ​നം ഇ​ടി​ക്കു​ക​യാ​യി​രു​ന്നു.

ഗു​രു​ത​ര പ​രി​ക്കേ​റ്റ കു​ഞ്ഞി​നെ ആദ്യം ​ച​ങ്ങ​നാ​ശ്ശേ​രി​യി​ലും പി​ന്നീ​ട് തി​രു​വ​ല്ല​യി​ലു​മു​ള്ള ആ​ശു​പ​ത്രി​ക​ളി​ൽ പ്ര​വേ​ശി​പ്പി​ച്ചു. തു​ട​ർ​ന്ന് വി​ദ​ഗ്ധ ചി​കി​ത്സ​ക്കാ​യി ഫെ​ബ്രു​വ​രി ആ​റി​ന് രാ​ത്രി​യോ​ടെ​യാ​ണ് അ​മൃ​ത ആ​ശു​പ​ത്രി​യി​ൽ എ​ത്തി​ച്ച​ത്. എ​ന്നാ​ൽ, ക​ഴി​ഞ്ഞ ദി​വ​സം ഉ​ച്ച​യോ​ടെ ഡോ​ക്ട​ർ​മാ​ർ മ​സ്തി​ഷ്ക​മ​ര​ണം സ്ഥി​രീ​ക​രി​ച്ചു. തു​ട​ർ​ന്ന്​ കു​ട്ടി​യു​ടെ പി​താ​വി​ന്‍റെ സ​മ്മ​തം വാ​ങ്ങി കെ​സോ​ട്ടോ വ​ഴി അ​വ​യ​വ​ദാ​നം ഏ​കോ​പി​പ്പി​ക്കു​ക​യാ​യി​രു​ന്നു.

ഹൃ​ദ​യ വാ​ൽ​വ് തി​രു​വ​ന​ന്ത​പു​രം ശ്രീ​ചി​ത്ര ഇ​ൻ​സ്റ്റി​റ്റ്യൂ​ട്ടി​ലേ​ക്കും ക​ര​ൾ തി​രു​വ​ന​ന്ത​പു​രം കിം​സ് ആ​ശു​പ​ത്രി​യി​ലേ​ക്കും വൃ​ക്ക​ക​ൾ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലേ​ക്കു​മാ​ണ് എ​ത്തി​ക്കു​ക. ക​ണ്ണു​ക​ൾ നേ​ത്ര ബാ​ങ്കി​ന് കൈ​മാ​റും.