റിഫാസ്
ആലുവ: മാരക മയക്കുമരുന്നായ എം.ഡി.എം.എയുമായി യുവാവ് പിടിയിൽ. ആലുവയും അങ്കമാലിയും കേന്ദ്രീകരിച്ച് ക്രിസ്തുമസ് ന്യൂഇയർ പ്രമാണിച്ച് വിദ്യാർഥികൾക്കും യുവാക്കൾക്കുമിടയിൽ വിൽപ്പനക്കായി എത്തിച്ച എം.ഡി.എം.എയാണ് പിടികൂടിയത്. മയക്കുമരുന്ന് കടത്തിയ ആലുവ കീഴ്മാട് സ്വദേശി റിഫാസിനെ (26) ആലുവ എക്സൈസ് സർക്കിൾ ഇൻസ്പെക്ടർ കെ.ഡി.സതീശനും സംഘവും പിടികൂടി.
ഇയാളുടെ കയ്യിൽ നിന്നും വിൽപനക്കായി കൊണ്ടുവന്ന മൂന്ന് ഗ്രാം എം.ഡി.എം.എയാണ് പിടികൂടിയത്. ഇയാളുടെ ബൈക്കും മൊബൈൽ ഫോണും കണ്ടെടുത്തു. കണ്ടെടുത്ത മയക്കുമരുന്നിന് അരലക്ഷത്തോളം വിലവരുന്നതാണ്. ആലുവ എക്സൈസ് സർക്കിൾ ഓഫിസിലെ പ്രിവൻറീവ് ഓഫിസർ സി.ബി.രഞ്ചു, സിവിൽ എക്സൈസ് ഓഫിസർമാരായ സംസ്ഥാന എക്സൈസ് എൻഫോഴ്സ്മെൻറ് സ്ക്വാഡ് അംഗം എം.എം.അരുൺകുമാർ, എം.ആർ.സുരേഷ്, സമൽദേവ്, പി.പി.ഷിവിൻ, എക്സൈസ് ഡ്രൈവർ ബിജുപോൾ എന്നിവരടങ്ങുന്ന സംഘമാണ് മയക്കുമരുന്ന് പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.