തിരുവനന്തപുരം: കേരളത്തിലെ മാധ്യമ രംഗത്തെ വനിതകള് നേരിടുന്ന പ്രശ്നങ്ങള് മനസിലാക്കുന്നതിന് വനിതാ കമീഷന് നാളെ രാവിലെ 10 മുതല് കോട്ടയം ജില്ലാ പഞ്ചായത്ത് ഹാളില് സംഘടിപ്പിക്കും. മന്ത്രി വി.എന്. വാസവന് ഉദ്ഘാടനം ചെയ്യും. വനിത കമ്മിഷന് അധ്യക്ഷ അഡ്വ. പി. സതീദേവി അധ്യക്ഷത വഹിക്കും.
കോട്ടയം ജില്ലാ പഞ്ചായത്ത് പ്രസിഡന്റ് കെ.വി. ബിന്ദു വിശിഷ്ടാതിഥിയാകും. കേരള മീഡിയാ അക്കാദമി ജനറല് കൗണ്സില് മെമ്പറും കേരള പത്രപ്രവര്ത്തക യൂനിയന് സംസ്ഥാന ട്രഷററുമായ സുരേഷ് വെള്ളിമംഗലം മുഖ്യപ്രഭാഷണം നടത്തും. മാധ്യമ രംഗത്തെ വനിതകള് നേരിടുന്ന പ്രശ്നങ്ങള് എന്ന വിഷയത്തില് ഔട്ട്ലുക്ക് മാസികയുടെ സീനിയര് എഡിറ്റര് കെ.കെ. ഷാഹിന ചര്ച്ച നയിക്കും.
വനിതാ കമീഷന് അംഗങ്ങളായ അഡ്വ. ഇന്ദിരാ രവീന്ദ്രന്, അഡ്വ. പി. കുഞ്ഞായിഷ, വി.ആര്. മഹിളാമണി, അഡ്വ. എലിസബത്ത് മാമ്മന് മത്തായി, മെമ്പര് സെക്രട്ടറി സോണിയ വാഷിംഗ്ടണ്, ഡയറക്ടര് ഷാജി സുഗുണന്, പ്രോജക്ട് ഓഫീസര് എന്. ദിവ്യ, റിസര്ച്ച് ഓഫീസര് എ.ആര്. അര്ച്ചന എന്നിവര് സംസാരിക്കും. സംസ്ഥാനത്തെ വിവിധ ജില്ലകളില് നിന്നുള്ള വനിതാ മാധ്യമ പ്രവര്ത്തകര് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.