മലപ്പുറം: നിയമസഭ തെരഞ്ഞെടുപ്പിൽ ഇത്തവണ മത്സരിക്കാനില്ലെന്നും ഇക്കാര്യം സി.പി.എം നേതൃത്വത്തെ അറിയിച്ചെന്നും താനൂർ എം.എൽ.എ വി. അബ്ദുറഹിമാൻ. മാറി നിൽക്കാനാണ് ആഗ്രഹിക്കുന്നതെന്നും പാർട്ടി നിർദേശമനുസരിച്ച് തുടർകാര്യങ്ങൾ തീരുമാനിക്കുമെന്നും അദ്ദേഹം മീഡിയവണിനോട് പറഞ്ഞു.
തിരൂരിൽ മത്സരിക്കാൻ സന്നദ്ധനാണോ എന്ന ചോദ്യത്തിന്, തിരൂരോ താനൂരോ എന്നതല്ല വിഷയമെന്നും മാറിനിൽക്കാനാണ് ആഗ്രഹിക്കുന്നതെന്നും അബ്ദുറഹിമാൻ വ്യക്തമാക്കി. മത്സരിക്കാനുള്ള വിമുഖത മാത്രമാണ് തീരുമാനത്തിന് പിന്നില്‍.
മുസ്ലിം ലീഗ് കൂട്ടുകെട്ടിൽ പ്രതിഷേധിച്ചാണ് താൻ കോൺഗ്രസ് വിട്ടത്. നിലപാടുകളിൽ മാറ്റമില്ല. ഇടതുമുന്നണിയിൽ സംതൃപ്തനാണെന്നും സി.പി.എം സഹയാത്രികനായി തുടരുമെന്നും കൂട്ടിച്ചേർത്തു. 2016ൽ ലീഗ് കോട്ടയായ താനൂരിൽ അട്ടിമറി ജയം നേടിയാണ് അബ്ദുറഹിമാൻ സഭയിലെത്തിയത്. മുസ്ലിം ലീഗ് നേതാവ് അബ്ദുറഹ്മാൻ രണ്ടത്താണിയെയാണ് ഇദ്ദേഹം പരാജയപ്പെടുത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.