വ​ന്യ​ജീ​വി ആ​ക്ര​മ​ണം; പ്രത്യേക നിയമസഭ സമ്മേളനം വിളിക്കണം, സമ്മർദ തന്ത്രവുമായി കേരള കോൺഗ്രസ്​ എം

കോ​ട്ട​യം: മു​ന്ന​ണി​മാ​റ്റ ച​ർ​ച്ച​ക​ൾ ന​ട​ക്കു​ന്നെ​ന്ന അ​ഭ്യൂ​ഹ​ങ്ങ​ൾ സ​ജീ​വ​മാ​യി​രി​ക്കെ എ​ൽ.​ഡി.​എ​ഫി​നെ​യും സ​ർ​ക്കാ​റി​നെ​യും സ​മ്മ​ർ​ദ​ത്തി​ലാ​ക്കു​ന്ന നീ​ക്ക​വു​മാ​യി കേ​ര​ള കോ​ൺ​ഗ്ര​സ്​ എം. ​വ​ന്യ​ജീ​വി ആ​ക്ര​മ​ണ വി​ഷ​യം ച​ർ​ച്ച ചെ​യ്യാ​ൻ പ്ര​ത്യേ​ക നി​യ​മ​സ​ഭ സ​മ്മേ​ള​നം വി​ളി​ക്ക​ണ​മെ​ന്ന ആ​വ​ശ്യ​മാ​ണ്​ പാ​ർ​ട്ടി ചെ​യ​ർ​മാ​ൻ ജോ​സ്​ കെ. ​മാ​ണി എം.​പി. ഉ​ന്ന​യി​ച്ച​ത്. മ​ല​യോ​ര ക​ർ​ഷ​ക​രു​ടെ പ്ര​ശ്ന​ങ്ങ​ളും വ​ന്യ​ജീ​വി ആ​ക്ര​മ​ണ​വും സം​ബ​ന്​​ധി​ച്ച വി​ഷ​യ​ങ്ങ​ളി​ൽ പ്ര​തി​പ​ക്ഷ പാ​ർ​ട്ടി​ക​ൾ കൂ​ടു​ത​ൽ ഇ​ട​പെ​ടു​ന്ന സാ​ഹ​ച​ര്യ​ത്തി​ൽ കൂ​ടി​യാ​ണ്​ കേ​ര​ള കോ​ൺ​ഗ്ര​സ്​ എ​മ്മി​ന്‍റെ ഈ ​നീ​ക്കം. മ​ല​യോ​ര മേ​ഖ​ല​യി​ലെ പ്ര​ശ്ന​ങ്ങ​ൾ കേ​ര​ള കോ​ൺ​ഗ്ര​സ്​ എം ​ഉ​യ​ർ​ത്തി​ക്കാ​ട്ടു​ന്ന​തി​നെ രാ​ഷ്ട്രീ​യ ച​ർ​ച്ച​ക​ളു​മാ​യി കൂ​ട്ടി​ക്കെ​ട്ടു​ന്ന​തി​ന്‍റെ ല​ക്ഷ്യം വി​ല​കു​റ​ഞ്ഞ രാ​ഷ്ട്രീ​യ​മാ​ണെ​ന്നും ജോ​സ്​ കു​റ്റ​പ്പെ​ടു​ത്തു​ന്നു.

എ​ന്നാ​ൽ പു​തി​യ നീ​ക്ക​ത്തി​ലൂ​ടെ എ​ൽ.​ഡി.​എ​ഫി​നെ സ​മ്മ​ർ​ദ​ത്തി​ലാ​ക്കാ​ൻ അ​വ​ർ ഉ​ദ്ദേ​ശി​ക്കു​ന്നു​ണ്ട്. മു​ന്ന​ണി​ക്കു​ള്ളി​ൽ ത​ങ്ങ​ൾ​ക്ക്​ സ്വാ​ധീ​ന​മു​ണ്ടെ​ന്ന്​ യു.​ഡി.​എ​ഫി​ന്​ മു​ന്നി​ൽ പ്ര​ക​ടി​പ്പി​ക്കാ​നു​ള്ള അ​വ​സ​രം കൂ​ടി​യാ​യി ജോ​സും കൂ​ട്ട​രും ഇ​തി​നെ കാ​ണു​ന്നു​മു​ണ്ട്​. അ​തി​നി​ടെ മു​ന്ന​ണി മാ​റ്റം സം​ബ​ന്​​ധി​ച്ച്​ യു.​ഡി.​എ​ഫ്​ നേ​തൃ​ത്വം മാ​ണി വി​ഭാ​ഗം നേ​താ​ക്ക​ളു​മാ​യി ച​ർ​ച്ച ന​ട​ത്തു​ന്നെ​ന്ന വി​വ​ര​ങ്ങ​ളാ​ണ്​ വ​രു​ന്ന​ത്. കോ​ട്ട​യ​ത്തെ പാ​ലാ മ​ണ്ഡ​ലം വേ​ണ്ടെ​ന്നും പ​ക​രം വ​ട​ക്ക​ൻ കേ​ര​ള​ത്തി​ലെ വി​ജ​യ​സാ​ധ്യ​ത​യു​ള്ള മ​ണ്ഡ​ലം മാ​ണി വി​ഭാ​ഗം ആ​വ​ശ്യ​പ്പെ​ട്ടെ​ന്നാ​ണ്​ അ​ഭ്യൂ​ഹം. എ​ന്നാ​ൽ ഇ​ത്​ കേ​ര​ള കോ​ൺ​ഗ്ര​സ്​ എം ​നേ​തൃ​ത്വം ത​ള്ളു​ക​യാ​ണ്.

കേ​ര​ള കോ​ൺ​ഗ്ര​സ്​ ചെ​യ​ർ​മാ​ൻ പി.​ജെ. ജോ​സ​ഫ്​ മാ​ണി വി​ഭാ​ഗ​ത്തെ ഒ​പ്പം കൂ​ട്ടു​ന്ന​തി​നെ ത​ള്ളി​പ്പ​റ​ഞ്ഞി​ട്ടി​ല്ലെ​ന്ന​തും ശ്ര​ദ്ധേ​യം. പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ, യു.​ഡി.​എ​ഫ്​ ക​ൺ​വീ​ന​ർ അ​ടൂ​ർ പ്ര​കാ​ശ്, മു​സ്​​ലിം​ലീ​ഗ്​ നേ​താ​വ്​ പി.​കെ. കു​ഞ്ഞാ​ലി​ക്കു​ട്ടി എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ മു​ന്ന​ണി​മാ​റ്റം സം​ബ​ന്​​ധി​ച്ച ച​ർ​ച്ച​ക​ൾ ന​ട​ക്കു​ന്ന​തെ​ന്നാ​ണ്​ വി​വ​രം.

എ​ന്നാ​ൽ മു​ന്ന​ണി​മാ​റ്റം അ​ജ​ണ്ട​യി​ലി​ല്ലെ​ന്ന നി​ല​പാ​ട്​ ആ​വ​ർ​ത്തി​ക്കു​ക​യാ​ണ്​ കേ​ര​ള കോ​ൺ​ഗ്ര​സ്​ ചെ​യ​ർ​മാ​ൻ ജോ​സ്​ കെ. ​മാ​ണി. പ​ക്ഷെ യു.​ഡി.​എ​ഫി​ൽ നി​ന്നു​ള്ള ക്ഷ​ണം മാ​ണി വി​ഭാ​ഗം തു​റു​പ്പു​ചീ​ട്ടാ​യി കാ​ണു​​ന്നു എ​ന്ന​താ​ണ്​ സ​ത്യം. ഇ​ട​തു​മു​ന്ന​ണി​യി​ൽ സ​മ്മ​ർ​ദം ചെ​ലു​ത്താ​നും ത​ദ്ദേ​ശ തെ​ര​ഞ്ഞെ​ടു​പ്പു​ക​ളി​ലു​ൾ​പ്പെ​ടെ കൂ​ടു​ത​ൽ സീ​റ്റു​ക​ൾ ആ​വ​ശ്യ​പ്പെ​ടാ​നും ഇ​ത്​ അ​വ​ർ ആ​യു​ധ​മാ​ക്കും. അ​താ​ണ്​ പ്ര​ത്യേ​ക നി​യ​മ​സ​ഭാ​സ​മ്മേ​ള​നം ന​ട​ത്ത​ണ​മെ​ന്ന ആ​വ​ശ്യ​ത്തി​ന്​ പി​ന്നി​ലും.