കെ.സി വേണുഗോപാൽ
ആലപ്പുഴ: കോൺഗ്രസിൽ ഗ്രൂപ്പില്ലാതാക്കി ഐക്യമുണ്ടാക്കാനാണ് ശ്രമിക്കുന്നതെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ എം.പി. മങ്കൊമ്പിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
കേരളത്തിലെ നാല് സിറ്റിങ് എം.പിമാരുടെ പ്രവർത്തനം ശരിയില്ലെന്ന് പറയുന്ന ഒരു റിപ്പോർട്ടും എ.ഐ.സി.സിക്ക് കിട്ടിയിട്ടില്ല. ഇതെല്ലാം വസ്തുതാവിരുദ്ധമായ മാധ്യമപ്രചാരണമാണ്. 2014ലും താൻ ഉൾപ്പെടെയുള്ളവർ തോൽക്കുമെന്ന് പറഞ്ഞ് ഇത്തരം റിപ്പോർട്ടുകൾ ചില മാധ്യമങ്ങൾ പുറത്തുവിട്ടിരുന്നു.
ആലപ്പുഴയിൽ ഇത്തവണ കോൺഗ്രസിന് ശക്തനായ സ്ഥാനാർഥിയുണ്ടാകും. വിഴിഞ്ഞം തുറമുഖത്തിന്‍റെ ചരിത്രമെടുത്താൽ ആരുടെ സംഭാവനയാണെന്ന് മനസ്സിലാകും. ഉമ്മൻ ചാണ്ടിയെ ഇതിന്‍റെ പേരിലും അപമാനിക്കുയാണ്. ജനം ആദരിക്കുന്ന നേതാവിനെ ഏങ്ങനെ അപമാനിക്കാമെന്ന ഗവേഷണത്തിലാണ് സി.പി.എം സംസ്ഥാന സെക്രട്ടറി എം.വി. ഗോവിന്ദനെന്നും അദ്ദേഹം ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.