കോഴിക്കോട്: നിമിഷപ്രിയയുടെ വധശിക്ഷ നീട്ടിവെച്ച യമൻ അധികൃതരുടെ തീരുമാനത്തോട് പ്രതികരിച്ച് പ്രതിപക്ഷ നേതാവ് വി.ഡി. സതീശൻ. നിമിഷപ്രിയയുടെ മോചനം കേരളം ആഗ്രഹിക്കുന്നതാണെന്നും അതിന് സാധ്യമായ എല്ലാ വഴിയും തേടണമെന്നും ഫേസ്ബുക്ക് പോസ്റ്റിൽ വി.ഡി. സതീശൻ കുറിച്ചു.
വധശിക്ഷ നീട്ടിവച്ചെന്ന വാര്ത്ത ആശ്വാസവും പ്രതീക്ഷയുമാണ്. നിമിഷപ്രിയയുടെ മോചനത്തിന് വേണ്ടി പ്രവര്ത്തിക്കുന്ന എല്ലാവര്ക്കും ആത്മാർഥമായ പിന്തുണ നല്കും. വിഷയത്തില് കാന്തപുരം ഉസ്താദിന്റെ ഇടപെടല് ഫലപ്രാപ്തിയില് എത്തട്ടെ എന്നും വി.ഡി. സതീശൻ എഫ്.ബി പോസ്റ്റിൽ വ്യക്തമാക്കി.
നിമിഷപ്രിയയുടെ മോചനം കേരളം ആഗ്രഹിക്കുന്നതാണ്. അതിന് സാധ്യമായ എല്ലാ വഴിയും തേടണം. വധ ശിക്ഷ നീട്ടിവച്ചെന്ന ഇപ്പോള് പുറത്തു വന്ന വാര്ത്ത ആശ്വാസവും പ്രതീക്ഷയുമാണ്. വിഷയത്തില് കാന്തപുരം ഉസ്താദിന്റെ ഇടപെടല് ഫലപ്രാപ്തിയില് എത്തട്ടെ.
അദ്ദേഹത്തിന്റെ നിര്ദ്ദേശ പ്രകാരം യെമനിലെ സൂഫി പണ്ഡിതന് ഷേയ്ക്ക് ഹബീബ് ഉമര് ബിന് ഹാഫിസ് നടത്തുന്ന ചര്ച്ചകള് അന്തിമ വിജയം കാണുമെന്ന് പ്രതീക്ഷിക്കാം. നിമിഷ പ്രിയയുടെ മോചനത്തിന് വേണ്ടി പ്രവര്ത്തിക്കുന്ന എല്ലാവര്ക്കും ആത്മാര്ത്ഥമായ പിന്തുണ നല്കും.
നിയമപരമായ എല്ലാ തടസങ്ങളും മറികടന്ന് നിമിഷ പ്രിയയുടെ മോചനം ഉണ്ടാകുമെന്ന സന്തോഷകരമായ വാര്ത്തയ്ക്ക് വേണ്ടി ഇനി കാത്തിരിക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.