ഹാപുർ: ഉത്തർപ്രദേശിലെ ഹാപുരിൽ അക്രമികളും പൊലീസും തമ്മിൽ ഏറ്റുമുട്ടൽ. ഇന്ന് പുലർച്ചെ മോദി നഗർ റോഡിലാണ് ഏറ്റുമുട്ടൽ നടന്നത്. മോദി നഗർ റോഡിൽ പരിശോധന നടത്തുകയായിരുന്ന പൊലീസ് സംഘത്തിന് നേരെ രണ്ടംഗ അക്രമി സംഘം വെടിയുതിർക്കുകയായിരുന്നു.
പൊലീസിന്‍റെ തിരിച്ചടിയിൽ അക്രമി സംഘത്തിലെ ഒരാൾക്ക് പരിക്കേറ്റു. മറ്റൊരാൾ കടന്നു കളഞ്ഞു. പരിക്കേറ്റ ദീപക് ഡൽഹി ഗോവിന്ദ്പുർ സ്വദേശിയാണ്. നൂറോളം ക്രിമിനൽ കേസുകളിൽ പ്രതിയാണ് ഇയാളെന്ന് പൊലീസ് അറിയിച്ചു.
അക്രമിസംഘത്തിൽ നിന്ന് ഒരു പിസ്റ്റൽ, രണ്ട് വെടിയുണ്ടകൾ, ഒരു മോട്ടോർ സൈക്കിൾ എന്നിവ പിടിച്ചെടുത്തു. കസ്റ്റഡിയിലായ ദീപകിന്‍റെ അറസ്റ്റ് രേഖപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.