കൊല്ലം: അഞ്ചലിൽ കൊല്ലപ്പെട്ട ഉത്രയുടെ ഒന്നര വയസായ മകനെ ഉത്രയുടെ വീട്ടുകാർക്ക് കൈമാറി. ശിശു ക്ഷേമ സമിതിയുടെ ഉത്തരവ് പ്രകാരമാണ് കുഞ്ഞിെന ഉത്രയുടെ വീട്ടുകാർക്ക് കൈമാറിയത്. ഉത്രയുടെ ഭർത്താവും കേസിലെ മുഖ്യപ്രതിയുമായ സൂരജിെൻറ പിതാവും പൊലീസുകാരും ചേർന്നാണ് കുഞ്ഞിനെ ഉത്രയുടെ വീട്ടിലെത്തിച്ചത്. കുഞ്ഞിനെ ഉത്രയുടെ മാതാവ് ഏറ്റുവാങ്ങി.
കുഞ്ഞിനെ ഉത്രയുടെ വീട്ടുകാർക്ക് കൈമാറണമെന്ന നിർദേശം ലഭിച്ചതിന് പിന്നാലെ സുരജിെൻറ വീട്ടുകാർ കുഞ്ഞിനെ ഇന്നലെ വൈകുന്നേരത്തോടെ മാറ്റിയിരുന്നു. രാത്രി മുഴുവൻ പൊലീസ് തെരച്ചിൽ നടത്തിയിട്ടും കുഞ്ഞിനെ കണ്ടെത്താനായിരുന്നില്ല. സമ്മർദ്ദം ഏറിയതോടെ സൂരജിെൻറ പിതാവ് കുട്ടി എവിടെയുണ്ടെന്ന് വെളിപ്പെടുത്തുകയായിരുന്നു. തുടർന്ന് ഇവരുടെ ബന്ധുവീട്ടിൽനിന്ന് കുഞ്ഞിനെയും സൂരജിെൻറ മാതാവിനെയും കണ്ടെത്തുകയായിരുന്നു.
ഉത്രയുടെ കൊലപാതക കേസിൽ നിർണായക തെളിവുകൾ ലഭിച്ചതായി പൊലീസ് അറിയിച്ചു. പാമ്പുകളെ വിലക്ക് വാങ്ങിയതിന് തെളിവുണ്ടെന്നും സൂരജിനെ പൊലീസ് കസ്റ്റഡിയിൽ വാങ്ങുമെന്നും റൂറൽ എസ്.പി ഹരിശങ്കർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.