മലപ്പുറത്ത്​ യു.ഡി.എഫ്​ തേരോട്ടം, 73 പഞ്ചായത്തുകളും യു.ഡി.എഫിനൊപ്പം

മലപ്പുറം: തദ്ദേശ തെരഞ്ഞെടുപ്പിൽ സംസ്ഥാനത്ത്​ ഇടതുപക്ഷം മേൽക്കെ നേടു​േമ്പാഴും യു.ഡി.എഫിനെ പുണർന്ന്​ മലപ്പുറം ജില്ല. ആകെയുള്ള 93 പഞ്ചായത്തുകളിൽ 73ലും 12 മുനിസിപ്പാലിറ്റികളിൽ ഒൻപതും യു.ഡി.എഫ്​ ലീഡ്​ ചെയ്യുകയാണ്​.

കഴിഞ്ഞ പ്രാവശ്യം ഇളകിയ പഞ്ചായത്തുകൾ തിരിച്ചുപിടിക്കാനായി യു.ഡി.എഫ്​ നേതൃത്വം ഇക്കുറി നേരത്തേ മുൻകൈയെടുത്തിരുന്നു. ഒറ്റപ്പെട്ട സ്ഥലങ്ങളിലൊഴികെ എല്ലായിടത്തും കോൺഗ്രസും ലീഗും ഒരുമിച്ചാണ്​ തെരഞ്ഞെടുപ്പിനെ നേരിട്ടത്​. കൂട്ടിലങ്ങാടി, മക്കരപ്പറമ്പ അടക്കമുള്ള പഞ്ചായത്തുകളിൽ വെൽഫെയർ പാർട്ടിയുമായുള്ള ധാരണയും യു.ഡി.എഫിന്​ ഗുണകരമായി.

പെരിന്തൽമണ്ണ നഗരസഭ നിലനിർത്താനായതും നിലമ്പൂരിൽ യു.ഡി.എഫ്​ ആധിപത്യം അവസാനിപ്പിക്കാനായതും ഇടതിന്​ ആശ്വാസം പകരുന്നുണ്ട്​. കഴിഞ്ഞ തവണ കൈവിട്ട തിരൂർ നഗരസഭ യു.ഡി.എഫ്​ തിരിച്ചുപിടിച്ചു.