കിണറ്റിൽ വീണ നാല് വയസ്സുകാരനെ രക്ഷിക്കുന്നതിനിടെ രണ്ടുപേർ കുടുങ്ങി

മ​ണ്ണു​ത്തി: ക​ളി​ക്കു​ന്ന​തി​നി​ടെ അ​ബ​ദ്ധ​ത്തി​ൽ വീ​ണ നാ​ലു​വ​യ​സ്സു​കാ​ര​നെ ക​ര​ക്കെ​ത്തി​ക്കാ​ൻ ഇ​റ​ങ്ങി​യ മൂ​ന്നു​പേ​രും കി​ണ​റ്റി​ൽ കു​ടു​ങ്ങി. ഒ​ടു​വി​ൽ ഇ​വ​ർ​ക്ക് ര​ക്ഷ​ക​രാ​യ​ത് അ​ഗ്നി​ര​ക്ഷാ​സേ​ന. മാ​ട​ക്ക​ത്ത​റ 11ാം വാ​ർ​ഡി​ലാ​ണ് സം​ഭ​വം.

ക​ളി​ക്കു​ന്ന​തി​നി​ടെ അ​ബ​ദ്ധ​ത്തി​ൽ കി​ണ​റ്റി​ൽ വീ​ണ കേ​ദാ​ർ​നാ​ഥി​നെ ര​ക്ഷി​ക്കാ​ൻ അ​പ്പൂ​പ്പ​ൻ സ​ന്തോ​ഷ് ആ​ദ്യം കി​ണ​റ്റി​ലി​റ​ങ്ങി. എ​ന്നാ​ൽ, അ​ദ്ദേ​ഹ​ത്തി​ന് ദേ​ഹാ​സ്വ​സ്ഥ​ത അ​നു​ഭ​വ​പ്പെ​ട്ട​തി​നെ തു​ട​ർ​ന്ന് രാ​ജേ​ഷ് എ​ന്ന​യാ​ൾ ഇ​റ​ങ്ങി ഇ​രു​വ​രെ​യും താ​ങ്ങി​നി​ർ​ത്തി.

വി​വ​രം അ​റി​യി​ച്ച​തി​നെ തു​ട​ർ​ന്നെ​ത്തി​യ അ​ഗ്നി​ര​ക്ഷാ​സേ​ന ഏ​ക​ദേ​ശം 40 അ​ടി താ​ഴ്ച​യും നാ​ല് അ​ടി വെ​ള്ള​വു​മു​ള്ള കി​ണ​റ്റി​ൽ​നി​ന്ന് മൂ​ന്നു പേ​രെ​യും ക​ര​ക്കെ​ത്തി​ച്ചു. അ​സി. സ്റ്റേ​ഷ​ൻ ഓ​ഫി​സ​ർ ഹ​രി​കു​മാ​ർ, സീ​നി​യ​ർ ഫ​യ​ർ റെ​സ്ക്യൂ ഓ​ഫി​സ​ർ ര​ഞ്ജി​ത്ത് പു​വ്വ​ത്തി​ങ്ക​ൽ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.