കൊല്ലം: സ്കൂൾ മൈതാനത്ത് അപകടകരമായ വിധത്തിൽ ടൂറിസ്റ്റ് ബസിെൻറ അഭ്യാസ പ്രകടനം. വിനോദ യാത്രക്ക് പോക ാനായി വാടകക്കെടുത്ത ടൂറിസ്റ്റ് ബസാണ് കൊട്ടാരക്കര, അഞ്ചല്‍ സ്കൂളുകളുടെ മൈതാനത്ത് അഭ്യാസപ്രകടനം നടത്തിയത്. ക ഴിഞ്ഞ ഞായറാഴ്ചയായിരുന്നു സംഭവമെങ്കിലും ഇതിെൻറ ദൃശ്യങ്ങൾ ഇപ്പോഴാണ് പുറത്തു വന്നത്.
കൊട്ടാരക്ക രയിലെ വെണ്ടാർ വിദ്യാധിരാജ സ്കൂളിെൻറ മൈതാനത്തും അഞ്ചൽ ഈസ്റ്റ് ഹയർ സെക്കൻഡറി സ്കൂൾ മൈതാനത്തുമാണ് ബസിെൻറ അഭ്യാസപ്രകനം നടന്നത്. ബസിന് പുറമെ കാറിലും ബൈക്കിലുമായി വിദ്യാർഥികളും അഭ്യാസപ്രകടനം നടത്തി. വിദ്യാർഥികളെ മൈതാനത്തിന് നടുവിൽ നിര്‍ത്തിയായിരുന്നു ബസ് ഡ്രൈവറുടെ അപകടകരമായ വിധത്തിലുള്ള പ്രകടനം.
അഭ്യാസപ്രകടനത്തിന് ശേഷം വിദ്യാർത്ഥികൾ വിനോദയാത്രയ്ക്ക് പോവുകയും ചെയ്തു. ദൃശ്യങ്ങൾ പുറത്തായതോെട മോട്ടോര്‍ വാഹനവകുപ്പ് ബസ് ഉടമയെ വിളിച്ചുവരുത്തി മൊഴിയെടുത്തു. ബസിനും ഡ്രൈവർക്കുമെതിരെ നടപടിയാരംഭിച്ചിട്ടുണ്ട്. അഭ്യാസ പ്രകടനം നടത്തിയ കാറിെൻറ ഉടമയേയും തിരിച്ചറിഞ്ഞതായാണ് സൂചന.
സംഭവത്തിൽ പൊലീസും മോട്ടോർ വാഹന വകുപ്പും നടപടി തുടങ്ങി. ബസ് തിരികെ എത്തിയാലുടൻ ഡ്രൈവറുടെ ലൈസൻസ് റദ്ദാക്കുന്നതടക്കം നടപടി സ്വീകരിക്കുമെന്നും അഭ്യാസപ്രകടനം നടത്തിയ കാറിെൻയും ബൈക്കുകളുടെയും ഉടമകൾക്കെതിരെ നടപടിയെടുക്കുമെന്നും മോട്ടോർ വാഹന വകുപ്പ് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.