തിരുവനന്തപുരം: മെഡിക്കൽ കോളജിലെ കോവിഡ് വാർഡിൽ വീണ്ടും ആത്മഹത്യ. നിരീക്ഷണത്തിലുണ്ടായിരുന്ന നെടുമങ്ങാട് സ്വദേശി മുരുകേശനാണ് ആത്മഹത്യ ചെയ്തത്. ആശുപത്രിയിലെ കോവിഡ് വാർഡിലെ ഫാനിൽ തൂങ്ങിമരിക്കുകയായിരുന്നു.
നേരത്തെ കോവിഡ് ബാധിച്ച് ചികിൽസയിലുണ്ടായിരുന്ന ആനാട് സ്വദേശിയും ആത്മഹത്യ ചെയ്തിരുന്നു. ചൊവ്വാഴ്ച കോവിഡ് വാർഡിൽനിന്ന് ചാടിപ്പോയ ആളാണ് ബുധനാഴ്ച മരിച്ചത്.
നാട്ടുകാരും പൊലീസും പിടികൂടി ചൊവ്വാഴ്ച തന്നെ മെഡിക്കൽ കോളജിൽ എത്തിച്ച ഇയാൾ ബുധനാഴ്ച രാവിലെ കോവിഡ് വാര്‍ഡില്‍ തൂങ്ങിമരിക്കാൻ ശ്രമിക്കുകയായിരുന്നു. ആശുപത്രി ജീവനക്കാരെത്തി ഇയാളെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.