ഏവർക്കും പ്രിയങ്കരനായിരുന്ന നേതാവ്- ഗവർണർ

തിരുവനന്തപുരം: കോടിയേരി ബാലകൃഷ്ണന്റെ നിര്യാണത്തിൽ ഗവർണർ ആരിഫ് മുഹമ്മദ് ഖാൻ അനുശോചിച്ചു.സൗമ്യമായ പെരുമാറ്റവും അചഞ്ചലമായ ജനക്ഷേമതൽപ്പരതയും കൊണ്ട് ഏവർക്കും പ്രിയങ്കരനായിരുന്ന നേതാവായിരുന്നു കോടിയേരിയെന്ന് അദ്ദേഹം പറഞ്ഞു.

മുൻ മന്ത്രി, സാമൂഹിക വിഷയങ്ങളിൽ സജീവമായി ഇടപെട്ട നേതാവ് തുടങ്ങിയ നിലകളിലുള്ള സംഭാവനകൾ എന്നും ഓർമ്മിക്കപ്പെടുമെന്നും ആത്മാവിന് മുക്തി നേരുന്നതായും ഗവർണർ കൂട്ടിച്ചേർത്തു.