ഡൽഹിയിൽനിന്നുള്ള പ്രത്യേക ട്രെയിൻ കോഴിക്കോട്ടെത്തി

കോഴിക്കോട്: ലോക്ഡൗണിൽപ്പെട്ട് ഉത്തരേന്ത്യയിൽ കുടുങ്ങിയവരുമായി ഡൽഹിയിൽ നിന്നുള്ള രാജധാനി സൂപ്പർഫാസ്റ്റ് സ്പെഷ്യൽ ട്രെയിൻ കോഴിക്കോട് റെയിൽവേ സ്റ്റേഷനിലെത്തി. കേരളത്തിലെ ആദ്യ സ്​റ്റോപ്പാണ്​ കോഴിക്കോട്. രാത്രി 10 മണിയോടെയാണ് ട്രെയിൻ എത്തിയത്. 165 പേരാണ്​ കോഴിക്കോട്ടിറങ്ങുന്നത്​. 

അടുത്ത സ്​റ്റേഷനായ എറണാകുളത്ത്​ 258 പേരുമിറങ്ങും. ട്രെയിൻ രാത്രി എട്ട്​ മണിയോടെ കാഞ്ഞങ്ങാട്​ പിന്നിട്ടിരുന്നു. പുലർച്ചെ 1.40ഓടെ എറണാകുളത്തും 5.25ന് തിരുവനന്തപുരത്തുമെത്തും. 

വിദ്യാർഥികളും രോഗികളും ഗർഭിണികളും വിനോദയാത്രക്ക്​ ​േപായി കുടുങ്ങിയവരും ട്രെയിനിലുണ്ട്​. വിശദമായ പരിശോധനകൾക്ക് ശേഷമാണ് യാത്രികരെ പുറത്തെത്തിക്കുക. രോഗലക്ഷണങ്ങളുള്ളവരെ സർക്കാർ ഏർപ്പെടുത്തിയ ക്വാറന്‍റീനിലേക്കും അല്ലാത്തവരെ വീടുകളിൽ ക്വാറന്‍റീനിലേക്കും അയക്കും.