ബിനോയി കോടിയേരിക്കെതിരായ പീഡനക്കേസ്​ ഒത്തുതീർപ്പാക്കി

മും​ബൈ: വി​വാ​ഹ​വാ​ഗ്ദാ​നം ന​ൽ​കി പീ​ഡി​പ്പി​ച്ചെ​ന്നാ​രോ​പി​ച്ച്​ ബി​നോ​യ്​ കോ​ടി​യേ​രി​ക്കെ​തി​രെ യു​വ​തി ന​ൽ​കി​യ പ​രാ​തി​യി​ലെ കേ​സ്​ ഒ​ത്തു​തീ​ർ​പ്പാ​ക്കി. ബി​നോ​യി​യു​ടെ​യും യു​വ​തി​യു​ടെ​യും വ്യ​വ​സ്ഥ​ക​ൾ അം​ഗീ​ക​രി​ച്ച ബോം​ബൈ ഹൈ​കോ​ട​തി ന​ട​പ​ടി​ക​ൾ അ​വ​സാ​നി​പ്പി​ച്ചു. പ​രാ​തി​ക്കാ​രി​യു​ടെ മ​ക​ന്​ ജീ​വി​ത​ച്ചെ​ല​വി​നാ​യി 80 ല​ക്ഷം രൂ​പ ബി​നോ​യ്​ ന​ൽ​കി.

മ​ക​ന്റെ പി​താ​വ്​ ബി​നോ​യി​യാ​ണെ​ന്ന യു​വ​തി​യു​ടെ ആ​രോ​പ​ണ​ത്തി​ൽ ഹൈ​കോ​ട​തി നി​ർ​ദേ​ശ​ത്തെ തു​ട​ർ​ന്ന്​ ഡി.​എ​ൻ.​എ പ​രി​ശോ​ധ​ന ന​ട​ത്തി​യി​രു​ന്നു. ഫ​ലം പു​റ​ത്തു​വി​ട​ണ​മെ​ന്ന്​ ആ​വ​ശ്യ​പ്പെ​ട്ട്​ യു​വ​തി വീ​ണ്ടും ഹൈ​കോ​ട​തി​യെ സ​മീ​പി​ച്ച​തോ​ടെ​യാ​ണ്​ ഒ​ത്തു​തീ​ർ​പ്പു​ശ്ര​മ​ങ്ങ​ൾ ആ​രം​ഭി​ച്ച​ത്.

ഒ​ത്തു​തീ​ർ​പ്പാ​ക്കു​ന്ന​താ​യി അ​റി​യി​ച്ച്​ നേ​ര​ത്തേ ഇ​രു​വ​രും ഹൈ​കോ​ട​തി​യി​ലെ​ത്തി​യെ​ങ്കി​ലും വ്യ​വ​സ്ഥ​ക​ളി​ൽ വ്യ​ക്ത​ത​യി​ല്ലാ​ത്ത​തി​നെ തു​ട​ർ​ന്ന്​ ത​ള്ളി​യി​രു​ന്നു.

2019ലാ​ണ്​ ബി​ഹാ​ർ സ്വ​ദേ​ശി​യാ​യ യു​വ​തി ബി​നോ​യി​ക്കെ​തി​രെ ഓ​ശീ​വാ​ര പൊ​ലീ​സി​ൽ പ​രാ​തി ന​ൽ​കി​യ​ത്. കേ​സി​ൽ ബി​നോ​യി​ക്കെ​തി​രെ ദീ​ൻ​ദോ​ശി സെ​ഷ​ൻ​സ്​ കോ​ട​തി കു​റ്റം​ചു​മ​ത്താ​നി​രി​ക്കെ​യാ​ണ്​ ഒ​ത്തു​തീ​ർ​പ്പ്.