സ്കൂ​ൾ ഹെ​ൽ​ത്ത് പ​ദ്ധ​തി അ​വ​താ​ള​ത്തി​ൽ; ന​ഴ്‌​സു​മാ​രെ നി​യ​മി​ക്കു​ന്നി​ല്ല

പെ​രി​ന്ത​ൽ​മ​ണ്ണ: സ്കൂ​ളു​ക​ളി​ൽ വി​ദ്യാ​ർ​ഥി​ക​ളു​ടെ ആ​രോ​ഗ്യ-​മാ​ന​സി​ക പ്ര​ശ്ന​ങ്ങ​ൾ​ക്ക് പ്രാ​ഥ​മി​ക പ​രി​ഹാ​രം കാ​ണാ​ൻ ചു​മ​ത​ല​യു​ള്ള സ്കൂ​ൾ ഹെ​ൽ​ത്ത് ന​ഴ്സു​മാ​ർ ജി​ല്ല​യി​ലെ മി​ക്ക സ്കൂ​ളു​ക​ളി​ലു​മി​ല്ല. യോ​ഗ്യ​രാ​യ ഹെ​ൽ​ത്ത് ന​ഴ്സു​മാ​രെ ല​ഭി​ക്കാ​ത്ത​തും സ​ർ​ക്കാ​റി​ന്റെ സാ​മ്പ​ത്തി​ക പ്ര​തി​സ​ന്ധി​യു​മാ​ണ് കാ​ര​ണ​മാ​യി പ​റ​യു​ന്ന​ത്. ദേ​ശീ​യ ഗ്രാ​മീ​ണ ആ​രോ​ഗ്യ​ദൗ​ത്യ​ത്തി​ന്റെ​യും ആ​രോ​ഗ്യ- വി​ദ്യാ​ഭ്യാ​സ വ​കു​പ്പു​ക​ളു​ടെ​യും സം​യു​ക്ത സം​രം​ഭ​മാ​യി 2009ൽ ​ആ​ണ് സ്കൂ​ളു​ക​ളി​ൽ ഹെ​ൽ​ത്ത് ന​ഴ്സി​ന്റെ നേ​തൃ​ത്വ​ത്തി​ലു​ള്ള വി​ദ്യാ​ല​യ ആ​രോ​ഗ്യ പ​ദ്ധ​തി ആ​വി​ഷ്ക​രി​ച്ച​ത്. ആ ​വ​ർ​ഷം 10 ശ​ത​മാ​നം സ്കൂ​ളു​ക​ളി​ൽ ആ​രം​ഭി​ച്ച പ​ദ്ധ​തി 2012-13 വ​ർ​ഷ​ത്തി​ൽ കേ​ര​ള​ത്തി​ലെ എ​ല്ലാ സ​ർ​ക്കാ​ർ എ​യ്ഡ​ഡ് സ്കൂ​ളു​ക​ളി​ലേ​ക്കും വ്യാ​പി​പ്പി​ച്ചി​രു​ന്നു.

കു​ട്ടി​ക​ളു​ടെ ആ​രോ​ഗ്യ പ്ര​ശ്ന​ങ്ങ​ൾ പ്രാ​ഥ​മി​ക​മാ​യി ക​ണ്ടെ​ത്താ​നാ​ണ് സ്കൂ​ൾ ഹെ​ൽ​ത്ത് ന​ഴ്സു​മാ​രെ നി​യ​മി​ച്ച​ത്. 2500 കു​ട്ടി​ക​ൾ​ക്ക് ഒ​രാ​ൾ എ​ന്ന രീ​തി​യി​ലാ​യി​രു​ന്നു നി​യ​മ​നം. തു​ട​ക്ക​ത്തി​ൽ 1098 ന​ഴ്സു​മാ​രെ താ​ൽ​ക്കാ​ലി​കാ​ടി​സ്ഥാ​ന​ത്തി​ൽ നി​യ​മി​ച്ചി​രു​ന്നു. സ്കൂ​ളു​ക​ളി​ലെ എ​ല്ലാ കു​ട്ടി​ക​ളെ​യും ചി​ട്ട​യാ​യ വൈ​ദ്യ പ​രി​ശോ​ധ​ന​ക്ക് വി​ധേ​യ​രാ​ക്കി വി​വ​ര​ങ്ങ​ൾ ഹെ​ൽ​ത്ത് റെ​ക്കോ​ഡി​ൽ രേ​ഖ​പ്പെ​ടു​ത്തു​ക, ഇ​ത്ത​രം പ​രി​ശോ​ധ​ന​യി​ലൂ​ടെ ക​ണ്ടെ​ത്തു​ന്ന ആ​രോ​ഗ്യ പ്ര​ശ്ന​ങ്ങ​ൾ സ്കൂ​ൾ അ​ധി​കൃ​ത​രു​ടെ​യും മാ​താ​പി​താ​ക്ക​ളു​ടെ​യും ശ്ര​ദ്ധ​യി​ൽ​പെ​ടു​ത്തി അ​വ​രു​ടെ സ​ഹ​ക​ര​ണ​ത്തോ​ടെ ആ​രോ​ഗ്യ കേ​ന്ദ്ര​ങ്ങ​ളി​ലേ​ക്ക് റ​ഫ​ർ ചെ​യ്യു​ക, ഈ ​കു​ട്ടി​ക​ളെ കൃ​ത്യ​മാ​യി, തു​ട​ർ​ച്ച​യാ​യി നി​രീ​ക്ഷ​ണം ന​ട​ത്തു​ക എ​ന്നി​വ ഹെ​ൽ​ത്ത് ന​ഴ്സു​മാ​രു​ടെ ചു​മ​ത​ല​യാ​യി​രു​ന്നു.

കൂ​ടാ​തെ പ്ര​തി​രോ​ധ കു​ത്തി​വെ​പ്പു​ക​ൾ ന​ൽ​കാ​നും ആ​രോ​ഗ്യ ബോ​ധ​വ​ത്ക​ര​ണ​ത്തി​നാ​യി വി​ദ്യാ​ഭ്യാ​സ ക്ലാ​സു​ക​ൾ, എ​ക്സി​ബി​ഷ​ൻ, സി​നി​മ പ്ര​ദ​ർ​ശ​നം, പോ​സ്റ്റ​ർ പ്ര​ദ​ർ​ശ​നം, നാ​ട​കം, മ​റ്റ് ക​ലാ​രൂ​പ​ങ്ങ​ൾ മു​ത​ലാ​യ​വ ആ​സൂ​ത്ര​ണം ചെ​യ്തു ന​ട​പ്പാ​ക്കാ​നും ചു​മ​ത​ല​പ്പെ​ടു​ത്തി​യി​രു​ന്നു. തു​ട​ക്ക​ത്തി​ൽ വ​ള​രെ കാ​ര്യ​ക്ഷ​മ​മാ​യി ന​ട​ന്ന പ​ദ്ധ​തി കോ​വി​ഡി​നു​മു​മ്പ് വ​രെ ചി​ല സ്കൂ​ളു​ക​ളി​ൽ സ​ജീ​വ​മാ​യി​രു​ന്നു. കു​ട്ടി​ക​ളി​ലെ ഒ​ട്ടേ​റെ ആ​രോ​ഗ്യ- മാ​ന​സി​ക പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​നും സാ​ധി​ച്ചി​രു​ന്നു. എ​ന്നാ​ൽ, താ​ൽ​ക്കാ​ലി​ക​മാ​യി നി​യ​മി​ക്ക​പ്പെ​ട്ട​വ​രു​ടെ ക​രാ​ർ കാ​ലാ​വ​ധി അ​വ​സാ​നി​ച്ച​തോ​ടെ പ​ദ്ധ​തി നി​ല​ച്ചു. പി​ന്നീ​ട് നി​യ​മ​നം ന​ട​ന്നി​ല്ല. നി​ല​വി​ൽ ജി​ല്ല​യി​ലെ ഒ​ട്ടു​മി​ക്ക സ്കൂ​ളു​ക​ളി​ലും സ്കൂ​ൾ ഹെ​ൽ​ത്ത് ന​ഴ്സു​മാ​രു​ടെ സേ​വ​നം ല​ഭ്യ​മ​ല്ല. വ​രു​ന്ന അ​ധ്യ​യ​ന വ​ർ​ഷ​ത്തി​ലെ​ങ്കി​ലും സ്കൂ​ൾ ഹെ​ൽ​ത്ത് ന​ഴ്സു​മാ​രു​ടെ സേ​വ​നം ല​ഭ്യ​മാ​ക്ക​ണ​മെ​ന്നാ​ണ് ആ​വ​ശ്യം.