പത്തനംതിട്ട: ശബരിമല യുവതീപ്രവേശന വിധിയുടെ പശ്ചാത്തലത്തിൽ ദർശനത്തിനെത്തിയ മൂന്ന് യുവതികളെ പൊലീസ് പമ്പയി ൽ നിന്നും തിരിച്ചയച്ചു. ആന്ധ്രാപ്രദേശിൽ നിന്നെത്തിയ സംഘത്തിലുള്ള മൂന്ന് യുവതികളെയാണ് പ്രായം പരിശോധിച്ച ശേഷം പൊലീസ് തിരിച്ചയച്ചത്. വനിത പൊലീസ് തടഞ്ഞ് രേഖകൾ പരിശോധിച്ച് മൂന്നുപേർക്കും 50ൽ താഴെ പ്രായമാണെന്ന് കണ്ടെത്തിയതിനെ തുടർന്ന് നിലയ്ക്കലിലേക്ക് തിരിച്ചയക്കുകയായിരുന്നു.
മണ്ഡലകാല തീർഥാടനത്തിന് തുടക്കമായ ശനിയാഴ്ച ദർശനത്തിനെത്തിയ 50 വയസിൽ താഴെയുള്ള മൂന്നു സ്ത്രീകളെയും പമ്പ ബേസ് ക്യാമ്പിൽ വെച്ച് പൊലീസ് തടഞ്ഞ് തിരിച്ചയച്ചിരുന്നു. ശബരിമലയിലെത്തുന്ന യുവതികൾക്ക് സുരക്ഷ നൽകില്ലെന്നും ആവശ്യമുള്ളവർ കോടതി ഉത്തരവുമായി വരട്ടെയെന്നും സർക്കാർ നിലപാടെടുത്തിരുന്നു.
നിലയ്ക്കലിൽ കർശന പരിശോധനകൾക്കുശേഷമാണ് പമ്പയിലേക്ക് ഭക്തരെ വിടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.