തിരുവനന്തപുരം: ശബരിമല വിഷയത്തിൽ ബി.ജെ.പി രാഷ്ട്രീയ നാടകം കളിക്കുകയാണെന്ന് കോൺഗ്രസ് എം.പി ശശി തരൂർ. സന്നിധാനത്തെ പ്രതിഷേധങ്ങളിലൂടെ ബി.ജെ.പിയും ആർ.എസ്.എസും ശബരിമലയുടെ പവിത്രത നശിപ്പിക്കുകയാണ്. വിഷയത്തിൽ ബി.ജെ.പിയും സി.പിഎമ്മും നടത്തുന്ന അക്രമങ്ങളെ അംഗീകരിക്കാനാകില്ലെന്നും നിയമ വ്യവസ്ഥയെ മാനിക്കണമെന്നും ശശി തരൂർ പറഞ്ഞു.
ശബരിമല പ്രശ്നം എല്ലാ വിഭാഗവുമായി ചർച്ച ചെയ്ത് പരിഹരിക്കേണ്ട വിഷയമാണ്. കോൺഗ്രസ് വിശ്വാസികൾക്ക് ഒപ്പമാണ്. പാർട്ടിയുടെ നിലപാട് സ്വതന്ത്രമാണ്. കോൺഗ്രസ് സംഘടിപ്പിക്കുന്ന വിശ്വാസ സംരക്ഷണ യാത്രയുടെ സമാപന പരിപാടിയില്‍ പങ്കെടുക്കുമെന്നും ശശി തരൂർ തിരുവനന്തപുരത്ത് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.