കൽപറ്റ: എട്ടു വയസ്സുകാരിയെ പ്രകൃതിവിരുദ്ധ പീഡനത്തിനിരയാക്കിയെന്ന പരാതിയിൽ 40കാരനെതിരെ പോക്സോ നിയമപ്രകാരം കേസെടുത്തു. കാവുമന്ദം ചെറിയാണ്ടി ഖാലിദിനെതിരെയാണ് (40) വെള്ളമുണ്ട പൊലീസ് ഇന്ത്യന് ശിക്ഷനിയമം 376 പ്രകാരം പീഡനക്കുറ്റത്തിനും, കുട്ടികള്ക്കെതിരെയുള്ള അതിക്രമം തടയല് നിയമം (പോക്സോ) പ്രകാരവും കേസെടുത്തത്.
മൊബൈലില് ദൃശ്യങ്ങൾ കാണിച്ച ശേഷം കുട്ടിയെ പ്രകൃതിവിരുദ്ധ പീഡനത്തിനിരയാക്കിയെന്നാണ് പരാതി. പിന്നീട് മാതാപിതാക്കള് വീട്ടിലെത്തിയപ്പോള് കുട്ടി ഇക്കാര്യം അവരോട് പറയുകയും നാട്ടുകാരുടെ സഹായത്തോടെ പ്രതിയെ പിടികൂടി പൊലീസില് ഏൽപിക്കുകയുമായിരുന്നു. പൊലീസ് കുട്ടിയെ വൈദ്യപരിശോധനക്ക് വിധേയമാക്കിയ ശേഷം തുടര്നടപടികള് സ്വീകരിച്ചു. വിദേശത്തായിരുന്ന ഖാലിദ് അടുത്തിടെയാണ് അവധിക്ക് നാട്ടിൽ വന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.