തിരൂരങ്ങാടി (മലപ്പുറം): 12കാരിയെ പീഡിപ്പിച്ച കേസിൽ പിതാവടക്കം മൂന്നുപേർ അറസ്റ്റിൽ. ചേളാരി ചെനക്കലങ്ങാടിയിലെ കരുമ്പിൽ വീട്ടിൽ ഷൈജു (38), മേലേ ചേളാരി കുടൽകുഴിമാട് വീട്ടിൽ അഷ്റഫ് (36), കുട്ടിയുടെ പിതാവ് എന്നിവരെയാണ് തിരൂരങ്ങാ ടി പൊലീസ് അറസ്റ്റ് ചെയ്തത്. കൂടുതൽ പേർ പിടിയിലാകാനുണ്ട്.
മദ്യപിച്ചെത്തിയായിരുന്നു ക്രൂരപീഡനം. കഴിഞ്ഞദിവസം ബാലിക അധ്യാപികയോട് വിവരം പറയുകയും സ്കൂൾ അധികൃതരുടെ നിർദേശത്തെതുടർന്ന് ചൈൽഡ് ലൈൻ പ്രവർത്തകർ പൊലീസിൽ അറിയിക്കുകയുമായിരുന്നു.
രണ്ട് പ്രതികളെ ശനിയാഴ്ചയും പിതാവിനെ ഞായറാഴ്ചയുമാണ് പിടികൂടിയത്. രണ്ടുപേരെയും പരപ്പനങ്ങാടി കോടതി റിമാൻഡ് ചെയ്തു. പിതാവിനെ തിങ്കളാഴ്ച കോടതിയിൽ ഹാജരാക്കും. മറ്റ് പ്രതികൾക്കായി അന്വേഷണം ഉൗർജിതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.