ലോകായുക്ത ഓർഡിനൻസ് നിയമസഭയോടുള്ള അവഹേളനമെന്ന് ചെന്നിത്തല

ആലപ്പുഴ: ലോകായുക്ത ഓർഡിനൻസ് നിയമസഭയോടുള്ള അവഹേളനമാണെന്ന് കോൺഗ്രസ് നേതാവ് രമേശ് ചെന്നിത്തല. മുഖ്യമന്ത്രിയെയും മന്ത്രി ആർ. ബിന്ദുവിനെയും രക്ഷിക്കാനാണ് നീക്കം. ലോകായുക്ത വിഷയത്തിൽ മുഖ്യമന്ത്രി നിലപാട് വ്യക്തമാക്കണമെന്നും ചെന്നിത്തല ആവശ്യപ്പെട്ടു.

കോവിഡ് വ്യാപനം രൂക്ഷമാകുമ്പോൾ മുഖ്യമന്ത്രി നാട്ടിൽ വേണം. മുൻകൂട്ടി നിശ്ച‍യിക്കാത്ത പരിപാടികളാണ് അദ്ദേഹത്തിന് യു.എ.ഇയിലുള്ളത്. പരിപാടി വെട്ടിച്ചുരുക്കി മുഖ്യമന്ത്രി ഉടൻ നാട്ടിലെത്തണം. കോവിഡ് പ്രതിരോധത്തിൽ സംസ്ഥാന സർക്കാർ പരാജയമാണെന്നും ചെന്നിത്തല പറഞ്ഞു.