തനിക്ക് മീതെ ആരുമില്ലെന്ന് കരുതി പ്രവർത്തിക്കരുത്; ചെന്നിത്തലയെ രൂക്ഷമായി വിമർശിച്ച് കെ. ശങ്കരനാരായണൻ

തൃശൂർ: കരുണാകരൻ അനുസ്മരണ യോഗത്തിൽ പ്രതിപക്ഷ നേതാവ് രമേശ് ചെന്നിത്തലക്ക് നേരെ മുതിർന്ന നേതാവ് കെ. ശങ്കരനാരായണ ​​​​െൻറ രൂക്ഷ വിമർശനം. രമേശ്​ ചെന്നിത്തലയെ പേരെടുത്തുപറയാതെ പരിഹസിച്ചായിരുന്നു ​ തൃശൂർ ഡി.സി.സി ഒാഫിസിൽ നടന്ന കരുണാകരൻ അനുസ്​മരണത്തിൽ ശങ്കരനാരായണ​​​​െൻറ പ്രസംഗം.

ഭരണകക്ഷിയെ എതിർക്കുകയാണ് പ്രതിപക്ഷത്തി​​​െൻറ ചുമതല . എന്നാൽ ഭരിക്കാൻ വരേണ്ടി വരുമെന്ന ചിന്തയിൽ കൂടി വേണം വിമർശനം നടത്താൻ. വിമർശനം നിർമാണാത്​മകമാകണം. നല്ല ഉദ്ദേശവും അതിന്​വേണം. വനിത മതിലി​​​െൻറ ജീവൻ പത്ത് മിനിറ്റ് മാത്രമാണ്. അത് ത​െന്ന പൊളിഞ്ഞുപോകും. അതിനിത്ര സമയം ചെലവാക്കേണ്ട കാര്യമില്ല. എനിക്ക് മീതെ ആരുമില്ലെന്ന് കരുതി പ്രവർത്തിക്കരുത്. അതിനുള്ള ഉയരമുണ്ടോ എന്ന് തിരിച്ചറിയണം. കുറേക്കൂടി കൂട്ടായി പ്രവർത്തിക്കാനുള്ള കഴിവ് വേണം. ഒറ്റക്ക്​ പ്രവർത്തിച്ച് മുഖ്യമന്ത്രിയാകാമെന്ന് കരുതുന്നുണ്ടെങ്കിൽ ആ തൊപ്പി ഊരി വെക്കണം.

കരുണാകര​​​​െൻറ ശിഷ്യനാണെന്നാണ് പറയാറ്​. ശിഷ്യരായതുകൊണ്ട് ഗുരുവി​​​െൻറ ഗുണം കിട്ടില്ല. ഒരു ശതമാനം പോലും ഉള്ളതായി തോന്നുന്നുമില്ല. ഇരിക്കുന്ന കസേര ഏതാണെന്ന് അറിയണം. കസേരക്ക്​ അറിയില്ല ആരാണ് ഇരിക്കുന്നതെന്ന്. അതറിയുന്ന നേതാവായിരുന്നു കരുണാകരനെന്നും ശങ്കരനാരായണൻ പറഞ്ഞു. കെ.പി.സി.സി സെക്രട്ടറിമാർ എത്ര പേരുണ്ടെന്ന് കെ.പി.സി.സി പ്രസിഡൻറിന് പോലും അറിയാത്ത അവസ്​ഥയാണ്.

ഡി.സി.സി ഭാരവാഹികൾ എത്രയുണ്ടെന്ന് ചോദിച്ചാൽ ഡി.സി.സി പ്രസിഡൻറിനും അറിയില്ല. സെക്രട്ടറിമാർ കൂടിയതുകൊണ്ട് ജയിക്കില്ലെന്ന് കഴിഞ്ഞ തെരഞ്ഞെടുപ്പ് തെളിയിച്ചു. തെരഞ്ഞെടുക്കപ്പെട്ട നേതാക്കൾക്ക് കിട്ടിയ അംഗീകാരം ഇന്നുള്ളവർക്ക് കിട്ടില്ല. ഇന്ന് ഗ്രൂപ്പ് പ്രവർത്തനം ഐസ്​ വെയിലത്ത് വെച്ചതുപോലെയാണെന്നും ശങ്കരനാരായണൻ വിമർശിച്ചു.