പാനായിക്കുളം സിമി കേസിൽ വെറുതെവിട്ടയാളെയടക്കം കരുതൽ തടങ്കലിൽവെച്ച് പൊലീസ്

ആ​ലു​വ: പാ​നാ​യി​ക്കു​ളം സി​മി കേ​സ് സു​പ്രീം​കോ​ട​തി വ​രെ ത​ള്ളി​ക്ക​ള​ഞ്ഞി​ട്ടും പ്ര​തി ചേ​ർ​ക്ക​പ്പെ​ട്ട​യാ​ളെ വീ​ണ്ടും വേ​ട്ട​യാ​ടി പൊ​ലീ​സ്. ക​ള​മ​ശ്ശേ​രി സ്ഫോ​ട​ന​ക്കേ​സി​ന്‍റെ പേ​രി​ലാ​ണ് കോ​ട​തി വെ​റു​തെ വി​ട്ട​യാ​ളെ​യ​ട​ക്കം മ​ണി​ക്കൂ​റു​ക​ളോ​ളം ആ​ലു​വ പൊ​ലീ​സ് ക​രു​ത​ൽ​ത​ട​ങ്ക​ലി​ൽ വെ​ച്ച​ത്. പാ​നാ​യി​ക്കു​ളം കേ​സി​ൽ പ്ര​തി​ചേ​ർ​ക്ക​പ്പെ​ട്ടി​രു​ന്ന പാ​നാ​യി​ക്കു​ളം സ്വ​ദേ​ശി നി​സാം, വാ​ഗ​മ​ൺ സി​മി ക്യാ​മ്പ് കേ​സി​ൽ ശി​ക്ഷ ക​ഴി​ഞ്ഞി​റ​ങ്ങി​യ കു​ഞ്ഞു​ണ്ണി​ക്ക​ര സ്വ​ദേ​ശി സ​ത്താ​ർ എ​ന്നി​വ​രെ​യാ​ണ് ആ​ലു​വ സി.​ഐ വീ​ടു​ക​ളി​ലെ​ത്തി സ്‌​റ്റേ​ഷ​നി​ലേ​ക്ക് കൊ​ണ്ടു​പോ​യ​ത്. ഉ​ച്ച​ക്കാ​ണ് നി​സാ​മി​നെ കൊ​ണ്ടു​പോ​യ​ത്.

വൈ​കീ​ട്ട്​ നാ​ലു​മ​ണി​യോ​ടെ സ​ത്താ​റി​നെ​യും സ്റ്റേ​ഷ​നി​ലേ​ക്ക് കൊ​ണ്ടു​പോ​യി. ഇ​തി​നി​ടെ, ക​ള​മ​ശ്ശേ​രി സ്ഫോ​ട​ന​ക്കേ​സ് പ്ര​തി ഡൊ​മി​നി​ക്​ മാ​ർ​ട്ടി​ൻ കു​റ്റ​സ​മ്മ​തം ന​ട​ത്തു​ക​യും പൊ​ലീ​സി​ൽ കീ​ഴ​ട​ങ്ങു​ക​യും ചെ​യ്തി​രു​ന്നു. എ​ന്നി​ട്ടും രാ​ത്രി ഡി​വൈ.​എ​സ്.​പി വ​ന്ന​ശേ​ഷം വി​ടാ​മെ​ന്ന നി​ല​പാ​ടാ​ണ് പൊ​ലീ​സ് സ്വീ​ക​രി​ച്ച​ത്. ഇ​തി​നി​ട​യി​ൽ നി​സാം, സ്റ്റേ​ഷ​നി​ൽ ത​ങ്ങ​ളെ ത​ട​ഞ്ഞു​വെ​ച്ചി​ട്ടു​ള്ള കാ​ര്യം ചി​ത്ര​സ​ഹി​തം സ​മൂ​ഹ​മാ​ധ്യ​മ​ങ്ങ​ളി​ൽ പോ​സ്റ്റ് ചെ​യ്തു.

ഉ​ച്ച​ക്ക് കാ​ളി​ങ് ബെ​ൽ ശ​ക്തി​യാ​യി അ​ടി​ക്കു​ന്ന​തു​കേ​ട്ട്​​ നോ​ക്കി​യ​പ്പോ​ൾ വ​ൻ പൊ​ലീ​സ് പ​ട​യെ പു​റ​ത്തു​ക​ണ്ട​താ​യി നി​സാം ഫേ​സ്ബു​ക്ക് പോ​സ്റ്റി​ൽ പ​റ​യു​ന്നു. ക​ള​മ​​ശ്ശേ​രി സം​ഭ​വം ന്യൂ​സി​ലൂ​ടെ അ​റി​ഞ്ഞ​തു​കൊ​ണ്ട് ഒ​രു​പാ​ട് ചോ​ദി​ക്കേ​ണ്ടി​വ​ന്നി​ല്ല. അ​വ​രു​ടെ വ​ണ്ടി​യി​ൽ ഏ​താ​യാ​ലും ക​യ​റി​യി​ല്ല. സ്വ​ന്തം വ​ണ്ടി​യി​ൽ ആ​ലു​വ സി.​ഐ ഓ​ഫി​സി​ലേ​ക്ക്. ഫോ​ണി​ൽ മെ​സേ​ജ് ഒ​ന്നും അ​യ​ക്ക​രു​തെ​ന്ന് സി.​ഐ നി​ർ​ദേ​ശി​ച്ചി​രു​ന്നു. ഇ​തോ​ടെ​യാ​ണ് നി​സാം എ​ഫ്.​ബി​യി​ലൂ​ടെ വി​വ​രം പു​റ​ത്ത​റി​യി​ച്ച​ത്.

കു​റ​ച്ചു​ക​ഴി​ഞ്ഞ് സ​ത്താ​റി​നെ​യും കൊ​ണ്ടു​വ​ന്നു. ആ​ലു​വ​യി​ൽ ഞ​ങ്ങ​ൾ ര​ണ്ട് ‘ഭീ​ക​ര​വാ​ദി’​ക​ളേ ഉ​ള്ളൂ​വെ​ന്ന് തോ​ന്നു​ന്ന​താ​യി നി​സാം പോ​സ്റ്റി​ൽ കു​റി​ച്ചു. സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​വു​ക​യും ശ​ക്ത​മാ​യ പ്ര​തി​ഷേ​ധം ഉ​യ​രു​ക​യും ചെ​യ്ത​തോ​ടെ സ​ന്ധ്യ​യോ​ടെ ഇ​രു​വ​രെ​യും സ്വ​ന്തം ജാ​മ്യ​ത്തി​ൽ വി​ട്ട​യ​ക്കു​ക​യാ​യി​രു​ന്നു.