പ്ലാസ്​റ്റിക് നിരോധനം ഇന്നു മുതൽ​

തി​രു​വ​ന​ന്ത​പു​രം: ഒ​റ്റ​ത്ത​വ​ണ ഉ​പ​ഭോ​ഗ​മു​ള്ള പ്ലാ​സ്​​റ്റി​ക് വ​സ്​​തു​ക്ക​ളു​ടെ സ​മ്പൂ​ർ​ണ നി​രോ​ധ​നം പു​തു​വ​ർ​ഷം തു​ട​ങ്ങു​ന്ന ഇ​ന്നു​മു​ത​ൽ​ കേ​ര​ള​ത്തി​ൽ നി​ല​വി​ൽ​വ​രും. നി​രോ​ധ​ന​ത്തി​നെ​തി​രെ വ്യാ​പാ​രി​ക​ൾ ശ​ക്ത​മാ​യ പ്ര​തി​ഷേ​ധ​ത്തി​ലാ​ണെ​ങ്കി​ലും പി​ന്നോ​ട്ടി​ല്ലെ​ന്ന ശ​ക്ത​മാ​യ നി​ല​പാ​ടാ​ണ്​ സ​ർ​ക്കാ​ർ സ്വീ​ക​രി​ച്ചി​രി​ക്കു​ന്ന​ത്. അ​തേ​സ​മ​യം, നി​രോ​ധി​ച്ച പ്ലാ​സ്​​റ്റി​ക്​ സാ​മ​ഗ്രി​ക​ളു​ടെ സ്​​റ്റോ​ക്​ കൈ​വ​ശ​മു​ണ്ടെ​ന്ന പേ​രി​ൽ ഇൗ​മാ​സം 15 വ​രെ പ്രോ​സി​ക്യൂ​ഷ​ൻ ന​ട​പ​ടി സ്വീ​ക​രി​ക്ക​രു​തെ​ന്ന്​ ഹൈ​കോ​ട​തി നി​ർ​ദേ​ശി​ച്ചി​ട്ടു​ണ്ട്.

പ്ലാ​സ്​​റ്റി​ക്​ സ​ഞ്ചി​ക​ൾ, പ്ലാ​സ്​​റ്റി​ക്​ ആ​വ​ര​ണ​മു​ള്ള പ്ലേ​റ്റു​ക​ൾ, ഷീ​റ്റു​ക​ൾ, ക​പ്പു​ക​ൾ, പ്ലാ​സ്​​റ്റി​ക്​ അ​ല​ങ്കാ​ര സാ​ധ​ന​ങ്ങ​ൾ, പ്ലാ​സ്​​റ്റി​ക്​ പ​താ​ക, ഫ്ല​ക്​​സ്, ബാ​ന​ർ തു​ട​ങ്ങി​യ​വ​െ​യ​ല്ലാം നി​രോ​ധ​ന​ത്തി​ൽ ഉ​ൾ​പ്പെ​ടും. സ​ഞ്ചി​ക​ൾ​ക്ക്​ പ​ക​രം ഇ​നി​മു​ത​ൽ തു​ണി സ​ഞ്ചി​ക​ളും പേ​പ്പ​ർ ബാ​ഗും ഉ​പ​യോ​ഗി​ക്കേ​ണ്ടി​വ​രും. പ​ക്ഷേ, ആ​വ​ശ്യ​മാ​യ അ​ള​വി​ൽ ഇ​ത്​ എ​ല്ലാ​യി​ട​വും ല​ഭ്യ​മാ​ക്കു​ന്ന​കാ​ര്യ​ത്തി​ൽ ഇ​പ്പോ​ഴും അ​വ്യ​ക്ത​ത​യു​ണ്ട്. ഇ​തി​ന്​ പ​രി​ഹാ​ര​മാ​യി​ കു​ടും​ബ​ശ്രീ യൂ​നി​റ്റു​ക​ളെ പ​ര​മാ​വ​ധി ഉ​പ​യോ​ഗ​പ്പെ​ടു​ത്തി പ​ക​രം സം​വി​ധാ​ന​മൊ​രു​ക്കാ​നാ​ണ്​ തീ​രു​മാ​നം.

അ​തേ​സ​മ​യം, മി​ൽ​മ​യു​ടെ പാ​ൽ ക​വ​റു​ക​ൾ ഉ​പ​ഭോ​ക്താ​ക്ക​ളി​ൽ​നി​ന്ന്​ വി​ല​ന​ൽ​കി തി​രി​ച്ചെ​ടു​ത്ത്​ ക്ലീ​ൻ കേ​ര​ള ക​മ്പ​നി​യു​മാ​യി സ​ഹ​ക​രി​ച്ച്​ സം​സ്​​ക​രി​ക്കാ​നാ​ണ്​ ആ​ലോ​ച​ന. നി​ശ്ചി​ത വി​ല​ന​ൽ​കി മ​ദ്യ​ക്കു​പ്പി​ക​ൾ തി​രി​ച്ചെ​ടു​ക്കാ​ൻ ബി​വ​റേ​ജ​സ്​ കോ​ർ​പ​റേ​ഷ​നും തീ​രു​മാ​നി​ച്ചി​ട്ടു​ണ്ട്.

ആ​ഹാ​ര​വും പ​ച്ച​ക്ക​റി​യും പൊ​തി​യു​ന്ന ക്ലി​ങ്​ ഫി​ലിം, മു​ൻ​കൂ​ട്ടി അ​ള​ന്നു​വെ​ച്ച ധാ​ന്യ​ങ്ങ​ൾ, പ​ഞ്ച​സാ​ര, പ​യ​ർ​വ​ർ​ഗ​ങ്ങ​ൾ എ​ന്നി​വ സൂ​ക്ഷി​ക്കാ​ൻ ഉ​പ​യോ​ഗി​ക്കു​ന്ന പ്ലാ​സ്​​റ്റി​ക്​ സ​ഞ്ചി​ക​ൾ, മ​ത്സ്യം, മാം​സം എ​ന്നി​വ തൂ​ക്കം നി​ർ​ണ​യി​ച്ച​ശേ​ഷം വി​ൽ​പ​ന​ക്കാ​യി പൊ​തി​യു​ന്ന ​പ്ലാ​സ്​​റ്റി​ക്​ ക​വ​റു​ക​ൾ എ​ന്നി​വ​യെ നി​രോ​ധ​ന​ത്തി​ൽ​നി​ന്ന്​ ഒ​ഴി​വാ​ക്കി​യി​ട്ടു​ണ്ട്.

നോൺ വൂവൻ കാരിബാഗുകളെ ഒഴിവാക്കണമെന്ന്​ ഹരജി
കൊ​ച്ചി: പ്ലാ​സ്​​റ്റി​ക് നി​രോ​ധ​ന​ത്തി​​െൻറ പേ​രി​ൽ നോ​ൺ വൂ​വ​ൻ വി​ഭാ​ഗ​ത്തി​ൽ വ​രു​ന്ന കാ​രി​ബാ​ഗു​ക​ൾ നി​രോ​ധി​ച്ച​തി​നെ​തി​രെ ഹൈ​കോ​ട​തി​യി​ൽ ഹ​ര​ജി. മ​ല​യാ​ളി നോ​ൺ വൂ​വ​ൻ ബാ​ഗ് മാ​നു​ഫാ​ക്ച​റേ​ഴ്സ് അ​സോ​സി​യേ​ഷ​ൻ ന​ൽ​കി​യ ഹ​ര​ജി പ്ലാ​സ്​​റ്റി​ക്​ ഉ​ൽ​പ​ന്ന​ങ്ങ​ളു​ടെ നി​രോ​ധ​നം ചോ​ദ്യം​ചെ​യ്​​ത്​ ന​ൽ​കി​യ സ​മാ​ന ഹ​ര​ജി​ക​ൾ​ക്കൊ​പ്പം പ​രി​ഗ​ണി​ക്കാ​നാ​യി ജ​സ്​​റ്റി​സ്​ സി.​എ​സ്. ഡ​യ​സ്​ മാ​റ്റി. ഇ​ത്ത​രം കാ​രി​ബാ​ഗു​ക​ൾ കൈ​വ​ശ​മു​​ണ്ടെ​ന്ന​തി​​െൻറ പേ​രി​ൽ നി​ർ​മാ​താ​ക്ക​ൾ​ക്കെ​തി​രെ ന​ട​പ​ടി പാ​ടി​ല്ലെ​ന്നും അ​തേ​സ​മ​യം, ഇ​വ​യു​ടെ നി​ർ​മാ​ണ​വും വി​ൽ​പ​ന​യും പാ​ടി​ല്ലെ​ന്നും ഇ​ട​ക്കാ​ല ഉ​ത്ത​ര​വി​ൽ വ്യ​ക്ത​മാ​ക്കി.

ശ​സ്ത്ര​ക്രി​യ സ​മ​യ​ങ്ങ​ളി​ൽ രോ​ഗി​ക​ളും ഡോ​ക്ട​ർ​മാ​രും ധ​രി​ക്കു​ന്ന വ​സ്ത്ര​ങ്ങ​ളും മ​റ്റും നി​ർ​മി​ക്കാ​നു​പ​യോ​ഗി​ക്കു​ന്ന നോ​ൺ വൂ​വ​ൻ വി​ഭാ​ഗം സാ​മ​​ഗ്രി​ക​ൾ കൊ​ണ്ടാ​ണ്​ ബാ​ഗു​ക​ൾ നി​ർ​മി​ക്കു​ന്ന​തെ​ന്നും ഇ​വ മ​ണ്ണി​ൽ അ​ലി​ഞ്ഞു​ചേ​രു​ന്ന​വ​യാ​ണെ​ന്നു​മാ​ണ്​ ഹ​ര​ജി​യി​ലെ വാ​ദം. വ​ൻ തു​ക മു​ട​ക്കി​യാ​ണ് ഇ​ത്ത​രം ബാ​ഗു​ക​ൾ നി​ർ​മി​ക്കാ​നു​ള്ള പ്ലാ​ൻ​റു​ക​ൾ സ്ഥാ​പി​ച്ച​ത്. നി​രോ​ധ​നം ഇ​ത്ത​രം വ്യ​വ​സാ​യ​ങ്ങ​ളെ ത​ക​ർ​ക്കു​മെ​ന്നും സാ​വ​കാ​ശം ന​ൽ​ക​ണ​മെ​ന്നും ഹ​ര​ജി​ക്കാ​ർ ആ​വ​ശ്യ​പ്പെ​ട്ടു. കേ​ന്ദ്ര നി​യ​മ​ത്തി​​െൻറ പ​രി​ധി​യി​ൽ വ​രു​ന്ന വി​ഷ​യ​മാ​യ​തി​നാ​ൽ പ്ലാ​സ്​​റ്റി​ക്​ നി​രോ​ധ​നം സം​ബ​ന്ധി​ച്ച്​ സം​സ്ഥാ​ന സ​ർ​ക്കാ​റി​ന് ന​ട​പ​ടി​യെ​ടു​ക്കാ​ൻ അ​ധി​കാ​ര​മി​ല്ലെ​ന്നും ഹ​ര​ജി​ക്കാ​ർ വാ​ദി​ച്ചു.

പ​രി​സ്ഥി​തി സം​ര​ക്ഷ​ണം മു​ൻ​നി​ർ​ത്തി​യാ​ണ​ല്ലോ സ​ർ​ക്കാ​റി​​െൻറ ന​ട​പ​ടി​യെ​ന്ന് കോ​ട​തി ഈ ​ഘ​ട്ട​ത്തി​ൽ വാ​ക്കാ​ൽ നി​രീ​ക്ഷി​ച്ചു. പ്ലാ​സ്​​റ്റി​ക്​ മാ​നേ​ജ്മ​െൻറ്​ ച​ട്ട​പ്ര​കാ​ര​മാ​ണ് സം​സ്ഥാ​ന സ​ർ​ക്കാ​ർ നി​രോ​ധ​നം ഏ​ർ​പ്പെ​ടു​ത്തി​യ​തെ​ന്ന് സ​ർ​ക്കാ​റി​നു​വേ​ണ്ടി ഹാ​ജ​രാ​യ സ്​​റ്റേ​റ്റ് അ​റ്റോ​ണി​യും വ്യ​ക്ത​മാ​ക്കി. ത​മി​ഴ്നാ​ട് ഉ​ൾ​പ്പെ​ടെ അ​യ​ൽ സം​സ്ഥാ​ന​ങ്ങ​ളി​ൽ നി​രോ​ധ​നം ഫ​ല​പ്ര​ദ​മാ​യി ന​ട​പ്പാ​ക്കി​യി​ട്ടു​ണ്ട്. നോ​ൺ വൂ​വ​ൻ ബാ​ഗു​ക​ൾ പ്ലാ​സ്​​റ്റി​ക്​ അ​ട​ങ്ങി​യ​വ​യാ​ണ്. പ്ലാ​സ്​​റ്റി​ക് ഉ​ൽ​പ​ന്ന​ങ്ങ​ളു​ടെ നി​രോ​ധ​നം ചോ​ദ്യം​ചെ​യ്യു​ന്ന സ​മാ​ന ഹ​ര​ജി​ക​ൾ നി​ല​വി​ലു​ണ്ടെ​ന്നും സ​ർ​ക്കാ​ർ ചൂ​ണ്ടി​ക്കാ​ട്ടി. തു​ട​ർ​ന്നാ​ണ്​ ഇ​വ​ക്കൊ​പ്പം ഈ ​ഹ​ര​ജി​യു​ം പ​രി​ഗ​ണി​ക്കാ​ൻ കോ​ട​തി നി​ർ​ദേ​ശി​ച്ച​ത്.