കോട്ടയം: ബാലറ്റ് പേപ്പറില്‍ കൈപ്പത്തി ചിഹ്നം ചെറുതായിട്ടാണ് അച്ചടിച്ചിരിക്കുന്നതെന്ന് ചൂണ്ടിക്കാട്ടി യു.ഡി.എഫ് സ്ഥാനാര്‍ഥി തിരുവഞ്ചൂര്‍ രാധാകൃഷ്ണന്‍ മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണക്ക് പരാതി നല്‍കി. മറ്റു സ്ഥാനാര്‍ഥികളുടെ ചിഹ്നത്തേക്കാള്‍ ചെറുതാണ് കൈപ്പത്തി ചിഹ്നം എന്നാണ് പരാതി.
ഇത് സംബന്ധിച്ച് മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണയെ ഫോണില്‍ ബന്ധപ്പെട്ട് പരാതിയറിയിച്ചു. തുടര്‍ന്ന് അദ്ദേഹത്തിെൻറ നിർദേശ പ്രകാരം പരാതി ഇ-മെയില്‍ ചെയ്തു.
വലുപ്പവ്യത്യാസം വോട്ടര്‍മാരില്‍ ആശയക്കുഴപ്പമുണ്ടാക്കുമെന്നും ബാലറ്റ് പേപ്പറില്‍ എല്ലാ ചിഹ്നത്തിനും ഒരേ വലുപ്പം നല്‍കി വീണ്ടും അച്ചടിക്കാന്‍ കോട്ടയത്തെ റിട്ടേണിങ് ഓഫിസര്‍ക്ക് നിർദേശം നല്‍കണമെന്നും പരാതിയില്‍ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.