തൃശൂരിൽ വിരണ്ടോടിയ ആനയുടെ കുത്തേറ്റ് ഒരാൾ മരിച്ചു; പാപ്പാന് പരിക്ക്

പാവറട്ടി (തൃശൂർ): കുളിപ്പിക്കുന്നതിനിടെ പാപ്പാനെ കുത്തി വിരണ്ടോടിയ ആനയു​ടെ ആക്രമണത്തിൽ ഒരാൾ മരിച്ചു. ആലപ്പുഴ മുഹമ്മ​ സ്വദേശി ആനന്ദൻ​ ആണ്​ മരിച്ചത്​. എളവള്ളി ചിറ്റാട്ടുകര നമ്പഴിക്കാട് പൈങ്കിണിക്കൽ ക്ഷേത്രത്തിലെ ഉത്സവത്തിന് കൊണ്ടുവന്ന ചിറയ്ക്കൽ ഗണേശൻ എന്ന ആനയാണ് ഇടഞ്ഞത്​.

ഇന്ന് വൈകിട്ട് മൂന്ന് മണിയോടെയാണ് സംഭവം. പാപ്പാനെ കുത്തിയ ശേഷം ഒന്നരക്കിലോമീറ്ററോളം ആന ഓടി. പിന്നാലെയാണ് ഉത്സവത്തിന് കച്ചവടത്തിനെത്തിയ ആനന്ദനെ കുത്തിയത്. കടവല്ലൂർ റെയിൽവേ പാലത്തിനടിയിൽ വെച്ചായിരുന്നു ഇത്. വീണ്ടും നാലര കിലോമീറ്ററോളം ഓടിയ ശേഷമാണ് കണ്ടാണശ്ശേരിയിൽ വെച്ച് ആനയെ തളക്കാനായത്.