എ.ടി.എമ്മുകളിൽ പണക്ഷാമം

തിരുവനന്തപുരം: ഇടവേളക്ക് ശേഷം തലസ്ഥാനത്തെ സ്റ്റേറ്റ് ബാങ്ക് എ.ടി.എമ്മുകളിലും നോട്ട് ക്ഷാമം. പല എ.ടി.എമ്മുകളിലും പണമില്ല. നിറയ്ക്കുന്നവ പെെട്ടന്ന് തീരുകയും ചെയ്യുന്നു. 
രണ്ടു ദിവസംകൊണ്ടാണ് എ.ടി.എമ്മുകളിൽ പണത്തിന് ക്ഷാമമായത്. സ്റ്റേറ്റ് ബാങ്കി​െൻറ അപൂർവം എ.ടി.എമ്മുകളിൽ മാത്രമേ പണമുള്ളൂ. ശമ്പള വിതരണം ആരംഭിച്ചതോടെ പണമെടുക്കാൻ ഇടപാടുകാരുടെ തിരക്ക് അനുഭവപ്പെടുന്നു. പല എ.ടി.എമ്മുകളിൽ പോയിട്ടും പണം കിട്ടിയിട്ടില്ലെന്ന് ഇടപാടുകാർ പരാതി പറഞ്ഞു. പണം തീരുന്ന മുറക്ക് എ.ടി.എമ്മുകളിൽ പണം നിറയ്ക്കുന്നുണ്ടെന്നാണ് ബാങ്ക് അധികൃതർ പറയുന്നത്.