തിരുവനന്തപുരം: കേന്ദ്രസർക്കാർ അംഗീകരിച്ച പുതിയ വിദ്യാഭ്യാസ നയം സംബന്ധിച്ച് പഠനം നടത്തി റിപ്പോർട്ട് സമർപ്പിക്കാൻ സംസ്ഥാന ഉന്നത വിദ്യാഭ്യാസ കൗൺസിൽ ആറംഗ സമിതി രൂപവത്കരിച്ചു. ജെ.എൻ.യു പ്രഫസറും പ്ലാനിങ്ബോർഡ്‌ മുൻ ഉപാധ്യക്ഷനുമായ പ്രഫ. പ്രഭാത് പട്നായക് ആണ് സമിതി അധ്യക്ഷൻ.
ഉന്നതവിദ്യാഭ്യാസവുമായി ബന്ധപ്പെട്ട കേരളത്തിലെ സവിശേഷ സാഹചര്യം സമിതി പരിശോധിക്കും. ഇതുമായി ബന്ധപ്പെട്ട് സർവകലാശാല / കോളജ് അധ്യാപകർ ഉൾപ്പെടെ സമൂഹത്തിലെ എല്ലാ വിഭാഗങ്ങളുടെയും അഭിപ്രായങ്ങൾ സമിതി ആരായും. സമിതി സമർപ്പിക്കുന്ന പഠന റിപ്പോർട്ട് കൗൺസിൽ സംസ്ഥാന / കേന്ദ്ര സർക്കാറുകൾക്ക് കൈമാറും.
കൗൺസിൽ വൈസ് ചെയർമാൻ പ്രഫ. രാജൻ ഗുരുക്കൾ, നാഷനൽ യൂനിവേഴ്സിറ്റി ഒാഫ് എജുക്കേഷനൽ പ്ലാനിങ് ആൻറ് അഡ്മിനിസ്ട്രേഷൻ വൈസ്ചാൻസലർ പ്രഫ. എൻ.വി. വർഗീസ്, ഡോ. ഗംഗൻ പ്രതാപ്(എൻ.െഎ.െഎ.എസ്.ടി), ഡോ. കുംകും റോയ് (ജെ.എൻ.യു), കവി സച്ചിദാനന്ദൻ എന്നിവരാണ് കമ്മിറ്റിയിലെ മറ്റ്‌ അംഗങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.