നിലമ്പൂർ: ഉരുൾപൊട്ടൽമൂലം പാറകൾ വീണ് വഴിയടഞ്ഞ നാടുകാണി ചുരം റോഡ് നാലുചക്ര വാഹ നങ്ങൾക്ക് ബുധനാഴ്ച തുറന്നുകൊടുക്കും. തേൻപാറയിലെ കൂറ്റൻപാറ ചൊവ്വാഴ്ചയോടെ മുഴുവനായും പൊട്ടിച്ചുനീക്കാനാവുമെന്ന് ഊരാളുങ്കൽ ലേബർ സൊസൈറ്റി അധികൃതർ അറിയിച്ചു.
പത്ത് മീറ്റർ ദൈർഘ്യത്തിൽ കൂടി പാറകൾ നീക്കാനുണ്ട്. പാറ പൊട്ടിച്ചുമാറ്റിയ സ്ഥലത്ത് ഇടതുഭാഗത്ത് കൂടിയാണ് താൽക്കാലിക പാത ഒരുക്കിയിട്ടുള്ളത്. തിങ്കളാഴ്ച വൈകീട്ട് ഇതുവഴി ഏതാനും ടാക്സി ജീപ്പുകൾ കടന്നുപോയി. ഇത് ഏറെ അപകടകരമാണെന്നും ബുധനാഴ്ച വൈകുന്നേരത്തോടെ മാത്രമെ അനുമതിയോടെ വാഹനങ്ങൾ കടത്തിവിടൂവെന്നും അധികൃതർ പറഞ്ഞു. ബസ് ഉൾെപ്പടെ വലിയ വാഹനങ്ങൾ കടത്തിവിടാൻ വീണ്ടും കാലതാമസമുണ്ടാകും. രാവിലെയും വൈകീട്ടും ഇതുവഴി ഇപ്പോൾ ഇരുചക്രവാഹനങ്ങൾ കടത്തിവിടുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.